جوسپارلانعان اۋداندا 600 ملن باررەل مۇناي بار
دجو بايدەن اكىمشىلىگى الياسكاداعى «ۋيللوۋ» مۇناي ۇڭعىماسىن بۇرعىلاۋ اۋقىمدى جوباسىن ماقۇلداپ، قورشاعان ورتا قورعاۋشىلارىنىڭ نارازىلىعىن تۋدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ۋيللوۋ» جوباسى – الياسكاداعى فەدەرالدىق ۇكىمەتكە تيەسىلى ۇلتتىق مۇناي قورىنداعى مۇناي ۇڭعىماسىن بۇرعىلايتىن كوپجىلدىق مەكەمە.
جوبا جوسپارلانعان اۋداندا 600 ملن باررەل مۇناي بار. بۇل مۇناي نارىققا جەتۋ ءۇشىن جىلدار كەرەك، سەبەبى جوبا ءالى جۇزەگە اسقان جوق. زەرتتەۋشىلەردىڭ بولجامىنشا، الىپ جوبانى ىسكە اسىرسا قورشاعان ورتاعا جىلىنا 9،2 ملن مەترلىك توننا كومىرقىشقىل گازى شىعادى، ول عالامدىق جىلىنۋعا ايتارلىقتاي اسەر ەتەدى.
ءوز كەزەگىندە الياسكا بيلىگى جوبانىڭ ماقۇلدانعانىنا قۋاندى، سەبەبى بۇل قاجەتتى جاڭا كىرىس كوزى جانە شالعاي ايماقتاعى جاڭا جۇمىس ورنىن اشۋعا مۇمكىندىك. كليماتتىق توپتار مەن الياسكانىڭ بۇرىننان كەلە جاتقان تۇرعىندارى وقيعانى سوققى رەتىندە قابىلدادى. ولار جوبا بيواپات تۋدىرۋى مۇمكىن، سونىمەن قاتار، دەنساۋلىق پەن قورشاعان ورتاعا ءقاۋىپ توندىرەدى دەپ ەسەپتەيدى.
جوباعا قارسىلىق رەتىندە اق ۇيگە ميلليوننان اسا حات جولداندى، سونداي-اق Change.org سايتىندا ميلليونداعان قول جيناعان پەتيسيا ىسكە قوسىلدى.