الماتى وبلىسىنداعى جەر داۋى

ال جەرگىلىكتى اكىمدىك جەكەنىڭ ىسىنە ارالاسا الماي وتىر

الماتى وبلىسىنىڭ تۇرعىندارى "جەرىمىز جەكەگە ءوتىپ كەتتى" دەپ نارازىلىق ءبىلدىردى، دەپ حابارلايدى Almaty-akshamy.kz "الماتى" تەلەارناسىنا سىلتەمە جاساپ.

"وسى سوۆحوزدا اكە-شەشەمىز ىستەگەن. كەربۇلاقتان بىلتىردان بەرى قۋا باستادى. "مالىڭدى الىپ، ءبىزدىڭ جەردەن كەتىڭدەر" دەدى. بىرىنشىدەن، ءۇيدىڭ قۇجاتى جوق"، - دەيدى وبلىس تۇرعىنى ايدىن حاميتوۆ.

"كولحوز قۇرىلعاندا، بىرەۋ اتىن، بىرەۋ ارباسىن الىپ كەلدى. سول جەردى يگەرىپ، ءدان الىپ، ۇلەسىن قوسىپ وتىردى. ال تاراعان كەزدە ۇلەسىن الۋى كەرەك قوي. ءبىراق ءبىر ادام دا جەرىن العان جوق"، - دەيدى وبلىستىڭ تاعى ءبىر تۇرعىنى ايدار راحىمجان ۇلى.

ال جەر تەلىمىنىڭ قازىرگى زاڭدى يەسى - "بايسەركە اگرو" ج ش س ديرەكتورى كوپشىلىك ورىنسىز داۋرىعىپ وتىرعانىن ايتتى. 

"1990 جىلى قاجىگەلديننىڭ قاۋلىسىمەن، مەملەكەتتىڭ قاۋلىسىمەن سوۆحوزداعى جەر بەرىلمەيدى دەگەن. ءقازىر حالىققا جۇمىس بەرىپ وتىرمىز"، - دەدى "بايسەركە اگرو" ج ش س ديرەكتورى قازىبەك اقساقالوۆ.

ال جەرگىلىكتى اكىمدىك جەكەنىڭ ىسىنە ارالاسا المايتىنىن ايتتى. 

"بۇل كىسىلەر سوتقا باردى. سوتتىڭ شەشىمى بار. ەگەر "بايسەركە اگرو" ج ش س قانداي دا ءبىر زاڭسىز ارەكەت ەتسە، سوت ارقىلى جەردى قايتارىپ الاتىن ەدى.  ەندى ءبىز ەگەر ءوتىنىش جازسا، بۇل كىسىلەرگە سوتقا دەيىن باعىت-باعدار بەرىپ، كومەك جاساي الامىز"، - دەيدى پانفيلوۆ اۋىلدىق وكرۋگى اكىمىنىڭ ورىنباسارى ساۋلە مىقتىبايەۆا.

پانفيلوۆ اۋىلىنداعى 2 200 گەكتار جەر ءقازىر ەگىس القابىنا اينالىپ، جۇگەرى ەگىلەدى.