10 تامىزدا الماتىداعى ورتالىق ستاديوندا الەمدىك جۇلدىز دجەننيفەر لوپەستىڭ كونسەرتى وتەدى. وسىعان بايلانىستى قالادا قوعامدىق كولىكتىڭ قوسىمشا باعىتتارى، ارنايى كىرەبەرىس ايماقتارى ۇيىمداستىرىلىپ، اۆتوكولىك قوزعالىسىنا ۋاقىتشا شەكتەۋ ەنگىزىلەدى. قالالىق قىزمەتتەر كورەرمەندەردەن مارشرۋتتارىن الدىن الا جوسپارلاپ، ءتارتىپتى ساقتاۋدى سۇرايدى.
20 مىڭنان اسا كورەرمەن جينالادى دەپ كۇتىلەدى. ادام اعىنىن ءتيىمدى ۇيلەستىرۋ ماقساتىندا ۆولونتەرلەر تارتىلىپ، ناۆيگاسيا جۇيەسى كۇشەيتىلدى. ستاديون اۋماعىندا مەتاللدەتەكتورلار، LED-ەكراندار جانە بەينەباقىلاۋ كامەرالارى ورناتىلدى. بارلىق بيلەتتەر جالعاندىقتىڭ الدىن الۋ ءۇشىن سيفرلىق تەكسەرىستەن وتەدى.
ستاديونعا كىرۋدى ۇيىمداستىرۋ
اۋقىمدى كونسەرتكە بايلانىستى ورتالىق ستاديونعا كىرۋ ساعات 15:00-دەن باستاپ اشىق بولادى. نەگىزگى ءىس-شارا ساعات 19:00-دە باستالادى.
ۇيىمداستىرۋشىلار كورەرمەندەرگە كونسەرت باستالعانعا دەيىن بىرنەشە ساعات بۇرىن كەلۋدى ۇسىنادى، بۇل كەزەكتەردىڭ، كىرەبەرىس توپتارىنداعى ادام شوعىرلانۋى مەن وتكەلدەردەگى كەپتەلىستەردىڭ الدىن الۋ ءۇشىن ماڭىزدى. قاۋىپسىزدىك پەن جايلىلىق – ءاردايىم باستى نازاردا.
نەگىزگى جۇلدىز ساحناعا شىققانعا دەيىن قازاقستان ەستراداسىنىڭ تانىمال ورىنداۋشىلارىنىڭ قاتىسۋىمەن مازمۇندى كونسەرتتىك باعدارلاما وتەدى. ولار ستاديونعا كەلگەن العاشقى مينۋتتاردان-اق مەرەكەلىك كوڭىل-كۇي سىيلايدى.
نەگىزگى كىرۋ ايماقتارى:
• اباي داڭعىلى جاعىنان:
5-قاقپا – 2–18 سەكتورلار
6-قاقپا – 19–25 سەكتورلار، فان-ايماق جانە بي الاڭى
• بايتۇرسىن ۇلى كوشەسى جاعىنان: 1 جانە 2-قاقپا (وتىراتىن سەكتورلار)
• ساتپايەۆ جانە شاعابۋتدينوۆ كوشەلەرى جاعىنان: ساحنا مەن بي ايماعىنا وتەتىن كورەرمەندەر
• بولەك كىرەبەرىس: زەينەتكەرلەرگە، مۇمكىندىگى شەكتەۋلى جاندار مەن جۇكتى ايەلدەرگە ارنالعان
ستاديون الدىندا ۆولونتەرلەر باعىت-باعدار كورسەتۋ، بەلگىلەر ارقىلى باعدارلاۋ جانە كىرۋ ۇدەرىسىن ۇيىمداستىرۋ بويىنشا كومەك كورسەتەدى. ستاديون اينالاسىندا فۋد-كورتتار مەن اۋىز سۋ تاراتۋ پۋنكتتەرى جۇمىس ىستەيدى.
انىقتاما ءۇشىن:
• VIP Standing – وڭتۇستىك تريبۋنا، 4-قاقپا (ساتپايەۆ كوشەسى جاعىنان)
• Fan Zone، Dance Floor، Free Zone – سولتۇستىك تريبۋنا، 6-قاقپا (اباي داڭعىلى جاعىنان)
• سەكتورلار 26–28، 30–32، 40–42 – شىعىس تريبۋنا، 1-قاقپا (بايتۇرسىن ۇلى كوشەسى جاعىنان)
• سەكتورلار 33–36، 43–47 – شىعىس تريبۋنا، 2-قاقپا (بايتۇرسىن ۇلى كوشەسى جاعىنان)
• سەكتورلار 2–9، 11–18 – سولتۇستىك تريبۋنا، 5-قاقپا (اباي داڭعىلى جاعىنان)
• سەكتورلار 19–22، 24، 25 – سولتۇستىك تريبۋنا، 6-قاقپا (اباي داڭعىلى جاعىنان)
ماڭىزدى: كىرۋ كەزىندە وتكىزۋ بەلگىسىن الۋ مىندەتتى. ونسىز ءىس-شارا اۋماعىنا كىرۋگە بولمايدى.
كەڭەس: ستاديون سحەماسىمەن الدىن الا تانىسىپ شىعۋ ۇسىنىلادى – بۇل كىرەبەرىستە ادام شوعىرلانۋىن ازايتادى.
ستاديون ماڭىنداعى قوزعالىس شەكتەۋلەرى
10 تامىزدا ساعات 14:00-دەن باستاپ كەلەسى كوشەارالىق پەريمەتردە اۆتوكولىك قوزعالىسى ءىشىنارا شەكتەلەدى: اباي داڭعىلى – بايتۇرسىن ۇلى كوشەسى – مۇقانوۆ كوشەسى – ساتپايەۆ كوشەسى
«قالا تۇرعىندارى مەن قوناقتارىنان قوزعالىس باعىتىن الدىن الا جوسپارلاۋدى سۇرايمىز. بۇل ۋاقىتشا شەكتەۋلەر ءىس-شارانىڭ ۇيىمداسقان ءارى ءقاۋىپسىز ءوتۋىن قامتاماسىز ەتۋگە باعىتتالعان»، – دەپ حابارلادى الماتى قالاسىنىڭ موبيلدىلىك باسقارماسى.
تەگىن ترانسفەر: ارنايى اۆتوبۋس باعىتتارى
كونسەرت قوناقتارىنىڭ ىڭعايى ءۇشىن الماتى قالاسى ورتالىق ستاديونعا دەيىن جانە كەرى قايتۋ باعىتىندا تەگىن اۆتوبۋستار ۇيىمداستىرىلادى.
شاتتل اۆتوبۋستارى كەلەسى ۋاقىتتاردا جۇرەدى: 15:00، 15:45، 16:30، 17:15 جانە 18:00.
ستاديونعا جونەلتۋ باعىتتارى:
• Halyk Arena – حالىق ارەنا ايالداماسى
• قالقامان – №7 قالالىق اۋرۋحانا ايالداماسى
• وربيتا / تورايعىروۆ پەن مۇستافين قيىلىسى – دەميرەل كوللەدجى ايالداماسى
• رايىمبەك / الاتاۋ – جاكيبايەۆ ايالداماسى
• الماتى-1 تەمىرجول ۆوكزالى – جد ۆوكزال–1 ايالداماسى
• Almaty Arena – الماتى ارەنا ايالداماسى
ءاربىر جونەلتۋ نۇكتەسىندە ۆولونتەرلەر كەزەكشىلىك ەتىپ، كورەرمەندەرگە باعىت كورسەتەدى، اۆتوبۋستارعا ۇيىمداسقان تۇردە وتىرعىزۋعا كومەكتەسەدى.
كونسەرتتەن كەيىن قايتۋ باعىتى (اۆتوبۋستار تولىعۋىنا قاراي جۇرەدى):
• ساتپايەۆ كوشەسى – قالقامان
• بايتۇرسىن ۇلى كوشەسىنىڭ باتىس جاعى – وربيتا
• بايتۇرسىن ۇلى كوشەسىنىڭ شىعىس جاعى – الماتى-1 ۆوكزالى
• اباي داڭعىلىنىڭ وڭتۇستىك جاعى – حالىق ارەنا
• اباي داڭعىلىنىڭ سولتۇستىك جاعى – Almaty Arena جانە رايىمبەك / الاتاۋ
بۇل شەشىم كونسەرتتەن كەيىنگى قوزعالىستى رەتتەۋگە، قالادان ىڭعايلى جانە ءقاۋىپسىز قايتۋعا مۇمكىندىك بەرەدى.