قىرعىزستان پارلامەنتىندە قوعامدىق ورىندار مەن مەملەكەتتىك مەكەمەلەردە حيدجاب نەمەسە بەتتى جاۋىپ تۇراتىن باسقا كيىم كيۋگە 20 مىڭ سوم ايىپپۇل سالۋدى كوزدەيتىن زاڭ جوباسى قارالۋدا، دەپ حابارلايدى 24.kg.
قىرعىزستاندىق دەپۋتاتتار جەكە تۇلعانى انىقتاۋعا كەدەرگى كەلتىرەتىن كيىمدەردى كيۋگە تىيىم سالاتىن باپ قوسۋدى ۇسىندى.
كەيبىر دەپۋتاتتار ايىپپۇلدىڭ سوماسى تىم جوعارى ەكەنىن اتاپ ءوتتى، اسىرەسە، حيدجابتى كوبىنەسە الەۋمەتتىك جاعىنان وسال توپتارعا جاتاتىن ايەلدەر كيەتىنىن ەسكەرگەندە. بۇعان دەيىن ءدىن ىستەرى جونىندەگى مەملەكەتتىك كوميسسيا حيدجابقا تىيىم سالۋ تۋرالى نورمانى الىپ تاستاۋدى ۇسىنعان بولاتىن، سەبەبى بۇل دەموكراتيالىق قاعيداتتارعا قايشى دەپ تانىلعان.
زاڭ جوباسىنىڭ باستاماشىلارى مۇنداي شەكتەۋدىڭ قاجەتتىلىگى قوعامدىق ورىندار مەن مەملەكەتتىك مەكەمەلەردە جەكە تۇلعانى سايكەستەندىرۋ ءۇشىن ماڭىزدى ەكەنىن ايتۋدا.