بۇگىن ءۇش مارتە سوسياليستىك ەڭبەك ەرى، قازاق كسر عىلىم اكادەمياسىنىڭ اكادەميگى دىنمۇحامەد قونايەۆتىڭ تۋعان كۇنى. سوعان وراي ول جايىندا قىزىقتى دەرەكتەردى جيناقتادىق.
دىنمۇحامەد قونايەۆ – كسرو دا ەڭ بيىك ساياسي لاۋازىمعا يە بولعان العاشقى قازاق. ەكىنشىدەن، دىنمۇحامەد قونايەۆ كسرو-نىڭ ىشكى جانە سىرتقى ساياساتىن باسقاراتىن 15 پوليتبيۋرو مۇشەسىنىڭ ءبىرى بولعان. وتباسىندا 11 بالانىڭ 4ء-ىنشىسى ەكەن. ونىڭ بويى – 198 سم. ءوزى 46 ولشەمدەگى اياقكيىم كيگەن. نەگىزگى ءحوببيى قارۋ-جاراق كوللەكسياسىن جيناعان جانە اڭشىلىقتى ۇناتقان. ەڭ قىزىعى، دىنمۇحامەد قونايەۆتىڭ جەكە كۇزەتشىلەرى بولماعان. وزگەلەر جەكە كۇزەتشىلەرىمەن جۇرگەندە، قونايەۆ جۇمىسىنا جاياۋ بارىپ-كەلىپ جۇرگەن. سودان بولار ول كىشىپەيىل باسشى رەتىندە ەستە قالعان. ابىلايحان داڭعىلى مەن بوگەنباي باتىر كوشەسىنىڭ قيىلىسىنداعى ءۇش قاباتتى ۇيدە 24 جىل بويى تۇرعان. ءتىپتى، قازاقستان كپ وك-نىڭ ءبىرىنشى حاتشىسى بولعان كەزىندە دە، قالانىڭ ورتالىعىندا ءۇش بولمەلى پاتەرى بولا تۇرا الگى ۇيدە تۇردى. ال باسقا ۇيگە كوشكەندە قونايەۆ پاتەرىن ءوزىنىڭ كادرلىق ساياساتىن قاتتى سىناپ جۇرگەن جازۋشى ءالجاپپار ابىشيەۆكە سىيعا تارتىپ كەتكەن ەكەن. مينيسترلەر كەڭەسىنىڭ ءتوراعاسى بولعاندا دىنمۇحامەد قونايەۆ اكادەميك اتاعى ءۇشىن وزىنە تولەنەتىن 340 سوم اقىدان باس تارتقان. ول بۇل اقشانى بالالار مەن جاس عالىمدارعا كومەكتەسۋ ماقساتىندا جۇمساعان. سوندىقتان ونىڭ جەكە باسىنىڭ بايلىق-داۋلەتكە قىزىعۋشىلىعى بايقالماعان.