الماتى قالاسىنىڭ مەدەۋ اۋداندىق پوليسيا باسقارماسىنىڭ قىزمەتكەرلەرى ءىرى الاياقتىق ءىسىن اشىپ، زاڭدىلىقتى قالپىنا كەلتىردى. قۇقىق قورعاۋ ورگاندارىنىڭ جەدەل ءارى كاسىبي ارەكەتتەرىنىڭ ارقاسىندا جەرگىلىكتى تۇرعىننىڭ قۇقىعى قورعالدى، دەپ حابارلايدى aqshamnews.kz
الاياقتار ازاماتتىڭ پاتەرىن زاڭسىز يەمدەنۋگە ارەكەت جاساپ، ونى الداپ كەتۋگە تىرىسقان. دەگەنمەن، مەدەۋ اۋداندىق پوليسيا باسقارماسىنىڭ انىقتاۋ ءبولىمىنىڭ قىزمەتكەرلەرى بۇل قىلمىستى تەرەڭ زەرتتەپ، ءاربىر ەپيزودتى مۇقيات تالداۋ ارقىلى ادىلەتتىلىكتى ورناتتى.
زارداپ شەككەن ازامات پوليسيا قىزمەتكەرلەرىنىڭ كاسىبيلىگىنە ريزاشىلىعىن ءبىلدىرىپ، الماتى قالاسى قۇقىق قورعاۋ ورگاندارىنىڭ باسشىلىعىنا العىس حات جولدادى. حاتتا بىلاي دەلىنگەن:
– مەدەۋ اۋداندىق پوليسيا باسقارماسىنىڭ انىقتاۋ ءبولىمىنىڭ قىزمەتكەرلەرى پاتەرىمدى زاڭسىز يەمدەنۋ ارەكەتىنە بايلانىستى الاياقتىق ءىستى كاسىبي دەڭگەيدە تەرگەدى. ولار ءاربىر جاعدايدى مۇقيات زەرتتەپ، ادىلەتتىلىكتى قالپىنا كەلتىرۋگە كومەكتەستى. پوليسيا قىزمەتكەرلەرىنە كاسىبيلىگى، ادامگەرشىلىگى جانە بىزگە دەگەن شىدامدىلىعى ءۇشىن ۇلكەن العىسىمدى بىلدىرەمىن. ءبىزدىڭ قۇقىق قورعاۋ ورگاندارىندا ءوز ءىسىنىڭ ناعىز ماماندارى مەن ادام تاعدىرىنا بەي-جاي قارامايتىن ازاماتتاردىڭ قىزمەت ەتىپ جاتقانى ماقتانارلىق جايت.
الماتى قالاسى پوليسيا دەپارتامەنتىنىڭ باسپا ءسوز قىزمەتى بۇل وقيعانى پوليسيا قىزمەتكەرلەرىنىڭ زاڭ ۇستەمدىگىن ساقتاۋداعى ادال ەڭبەگىنىڭ جارقىن ۇلگىسى ەكەنىن اتاپ ءوتتى.
مەدەۋ اۋداندىق پوليسياسىنىڭ مۇقيات جۇمىسى قۇقىق قورعاۋ ورگاندارىنىڭ ادىلدىك پەن زاڭدىلىقتى ساقتاۋ جولىنداعى تاباندىلىعىن تاعى ءبىر مارتە دالەلدەدى.