2024 جىلعى 10 ساۋىردە ساعات 10:00-دە الماتى قالاسىندا بىرنەشە نوميناسيالار بويىنشا ءدىن سالاسىنىڭ وزەكتى ماسەلەلەرى تۋرالى ۇزدىك ماتەريالداردى (ماقالالار، روليكتەر جانە ت.ب.) دايىنداۋ بايقاۋى بويىنشا باسپا ءسوز كونفەرەنسيا وتەدى.
جۇرت نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ. بۇقارالىق اقپارات قۇرالدارى مەن الەۋمەتتىك جەلىلەر ارقىلى حالىقتى ءدىن سالاسىنداعى مەملەكەتتىك ساياساتتىڭ ماڭىزدى باعىتتارى مەن ەكسترەميستىك جانە راديكالدى ءدىني اعىمدار يدەولوگياسىنىڭ زياندىلىعىنان حاباردار ەتۋ. جۋرناليستەر مەن باق-تى، سونداي-اق ءدىن سالاسىنداعى وزەكتى ماسەلەلەر بويىنشا ماتەريالدار جاريالايتىن باسقا دا تۇلعالاردى قولداۋ - بايقاۋدىڭ نەگىزگى ماقساتى.
بايقاۋ كەلەسى نوميناسيالار بويىنشا وتكىزىلەدى:
- ينتەرنەت-رەسۋرستاعى قازاق تىلىندەگى ۇزدىك ماقالا؛
- ينتەرنەت-رەسۋرستاعى ورىس تىلىندەگى ۇزدىك ماقالا؛
- «ينستاگرام» الەۋمەتتىك جەلىسىندەگى ۇزدىك بەينەروليك؛
- «تيكتوك» الەۋمەتتىك جەلىسىندەگى ۇزدىك بەينەروليك؛
- ۇزدىك الەۋمەتتىك بەينەروليك؛
- Digital Art شەڭبەرىندەگى ۇزدىك فوتوجوبا؛
- ۇزدىك ولەڭ؛
- ۇزدىك ۇندەۋ جانە ۇران؛
- ۇزدىك پىكىر؛
- الەۋمەتتىك جەلىلەردەگى ۇزدىك تاقىرىپتىق پوست.
اتالعان 10 نوميناسيا بويىنشا جالپى جۇلدە قورى 3 050 000 تەڭگەنى قۇرايدى.
بايقاۋدى الماتى قالاسى ءدىن ىستەرى جونىندەگى باسقارماسىنىڭ تاپسىرىسى بويىنشا «JASTAR» دامىتۋ ورتالىعى» جاستار قوعامدىق بىرلەستىگى ۇيىمداستىرۋدا.
كونفەرەنسيا بارىسىندا بايقاۋدىڭ ۇيىمداستىرىلۋى مەن شارتتارى جايلى تولىققاندى اقپارات ايتىلادى.
شارا الماتى قالاسى، Smart.Point كوۆوركينگ سەنترى، Freedom كونفەرەنس زالىندا وتەدى.