7 ءساۋىر كۇنى اتىراۋ وبلىسىندا سۋ تاسقىنىنا بايلانىستى تابيعي سيپاتتاعى توتەنشە جاعداي رەجيمى جاريالاندى. زارداپ شەككەن ايماققا الماتى قالاسى اكىمى اپپاراتىنىڭ قۇتقارۋ قىزمەتىنىڭ كۇشىمەن گۋمانيتارلىق كومەك جىبەرىلدى.
اتىراۋ وبلىسىنىڭ كومەككە 3 «كاماز» جۇك كولىگى، 1 جەڭىل اۆتوكولىك، شانس قۇرالدارى (كۇرەك، بالتا، سۇيمەن جانە ت.ب.) جىبەرىلدى. سونداي-اق، شاتىرلار، كەرەۋەتتەر، شامدار، قۇتقارۋ كەۋدەشەلەرى، رەزەڭكە ەتىك، 5 مىڭ قاپ، دارى-دارمەكتەر بار.
ەستەرىڭىزگە سالا كەتەيىك، وتكەن اپتادا الماتىدان سۋ تاسقىنىنان زارداپ شەككەن وڭىرلەرگە گۋمانيتارلىق كومەكتىڭ ءبىرىنشى پارتياسى جونەلتىلگەن.
29 ناۋرىزدان باستاپ قالادا المالى اۋدانىنىڭ كوممۋنالدىق ورتالىعى بازاسىندا اشىلعان قابىلداۋ پۋنكتى جۇمىس ىستەيدى. كۇن سايىن الماتىلىقتار قاجەتتى زاتتاردى اكەلىپ، تابيعي اپاتتان زارداپ شەككەن وڭىرلەرگە كومەك كورسەتۋگە ۇلەستەرىن قوستى. قالا تۇرعىندارى، كاسىپكەرلەر، جاستار قاجەتتى كومەكتى جيناۋعا بەلسەنە قاتىستى. 6 كۇندە 10 تونناعا جۋىق گۋمانيتارلىق كومەك جينالدى. اتاپ ايتقاندا، 2،5 توننادان استام كيىم، 1 توننا گيگيەنا قۇرالدار، 3،5 توننادان استام ازىق-تۇلىك، تۇرمىستىق زاتتار جانە ت.ب.