الماتى وبلىسىنىڭ راديكالدى يدەولوگيانىڭ الدىن-الۋ باعىتىندا قىزمەت اتقاراتىن مامانداردىڭ كاسىبي بىلىكتىلىگىن ارتتىرۋعا ارنالعان 3 كۇندىك وقىتۋ كۋرسى ۇيىمداستىرىلدى.
اتالعان ءىس-شارا الماتى وبلىسى ءدىن ىستەرى باسقارماسىنىڭ ۇيىمداستىرۋىمەن «Novotel» قوناق ءۇيىنىڭ ءماجىلىس زالىندا وتكىزىلدى، دەپ حابارلايدى aqshamnews.kz.
بىلىكتىلىكتى ارتتىرۋ كۋرسىندا الماتى وبلىسى ءدىن ىستەرى باسقارماسىنىڭ باسشىسى كوشەكە ەرعالي احيلبەك ۇلى ەكسترەميزم مەن تەرروريزمنىڭ الدىن-الۋ جۇمىسىنىڭ ماڭىزدىلىعىنا توقتالىپ، قوعامداعى ءدىني ەكسترەميزمنىڭ قوعامعا قاۋىپتىلىگى تۋرالى ايتىپ ءوتتى.
كۋرستىڭ باستى ماقساتى – وڭالتۋ سۋبەكتىلەرىنىڭ بىلىكتىلىگىن ارتتىرۋ، وبلىس تۇرعىندارىمەن جۇمىس جۇرگىزۋدە جاڭا ادىستەمەلىك تاسىلدەردى قولدانۋ، سونداي-اق وبلىستىڭ تۇرعىندارى مەن قوناقتارى اراسىندا ەكسترەميستىك يدەولوگيانىڭ تارالۋىن الدىن الۋ بويىنشا ءتيىمدى وقىتۋ كۋرسىن ۇيىمداستىرۋ جانە وتكىزۋ.
ءىس-شارا بارىسىندا ەكسترەميزم مەن تەرروريزمدى الدىن الۋ سالاسىنداعى سپيكەرلەر ءدارىس جۇرگىزىپ، عىلىمي جانە قىزمەتتىك بىلىمدەرىمەن ءبولىستى.
اتالعان باستاما حالىقتىڭ سۇرانىسىنا جاۋاپ بەرەتىن، ءبىلىمدى دە بىلىكتى مامانداردى قالىپتاستىرۋ جانە قوعامنىڭ تۇراقتىلىعىن ساقتاۋداعى ءىس-شارالاردىڭ ءبىرى.