5ء-شى دۇنيەجۇزىلىك كوشپەندىلەر ويىندارىنىڭ كورەرمەندەرى مەن قوناقتارى ديماش قۇدايبەرگەننىڭ "استانا ارەنا" ستاديونىنداعى كونسەرتىنەن كەيىن ستاديوندى قوقىستان تازارتتى.
مۇنداي تازالىق اكسيالارى ەلوردادا تۇراتىن ءارى قالانىڭ تازالىعىنا بەي-جاي قارامايتىن تۇرعىندار ءۇشىن يگى داستۇرگە اينالدى، دەپ حابارلايدى aqshamnews.kz.
كورەرمەندەر اراسىندا شەتەلدىك قوناقتار دا بولدى، ولار جانكۇيەرلەردىڭ بەلسەندىلىگىنە جانە ولاردىڭ سانالى كوزقاراسىنا تاڭ قالدى. تازالىق اكسياسىنا «استانا جاستارى» كمم بەلسەندىلەرى، ەرىكتىلەر، سول سياقتى جانكۇيەرلەر دە قوسىلدى.
ەستەرىڭىزگە سالا كەتەيىك، 13 جانە 14 قىركۇيەك كۇندەرى "استانا ارەنا" ستاديونىندا ديماش قۇدايبەرگەننىڭ اۋقىمدى كونسەرتى ءوتىپ جاتىر. كورەرمەندەرگە ىڭعايلى بولۋ ءۇشىن كونسەرت وتەتىن ورىنعا ارنايى اۆتوبۋستار قاتىنايدى. ارنايى اۆتوبۋستارمەن ءجۇرۋ ءۇشىن كونسەرت بيلەتى بولۋى قاجەت.
ايتا كەتەيىك، ەلوردادا «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكواكسياسى ءوتىپ جاتىر. سونىمەن قاتار، ەلوردادا جاڭادان Taza Astana الەۋمەتتىك جوباسى ىسكە قوسىلدى. جوبا قۇقىقتىق ءتارتىپ، اباتتاندىرۋ، كوگالداندىرۋ، سانيتارلىق تازالاۋ، كوپپاتەرلى تۇرعىن ۇيلەردىڭ، ءۇي جانىنداعى، كۆارتالىشىلىك جانە اۋلا اۋماقتارىنىڭ تازالىعى ماسەلەلەرى بويىنشا جۇيەلى جۇمىس جۇرگىزۋگە باعىتتالعان.