11 جەلتوقساندا ارمەنيا استاناسى ەريەۆان قالاسىندا Junior Eurovision 2022 حالىقارالىق ءان بايقاۋى وتەدى. بيىل بۇل ونەر بايگەسىندە قازاقستان نامىسىن «Baqytty Bala-2022» IV حالىقارالىق بايقاۋىنىڭ ءفيناليسى داۆيد چارلين قورعايدى. كورەرمەندەر بايقاۋدىڭ گراند-فينالىن 11 جەلتوقسان كۇنى ساعات 21:00-دە «حابار» تەلەارناسىنان تاماشالاي الادى، دەپ حابارلايدى اlmaty-akshamy.kz.
داۆيد چارلين بۇل جوباعا ارنايى جازىلعان «جەر – انا» اتتى جاڭا كومپوزيسيانى ورىندايدى.
قازاقستان وسىناۋ الەمدىك ءان دوداسىنا وسىمەن بەسىنشى مارتە قاتىسادى. بۇل جولى ەلىمىزدەن باسقا ەۋروپالىق 15 مەملەكەتتىڭ جاس ءانشىسى ب ا ق سىنايدى. قازاقستاندىق جاس انشىلەردىڭ جىل سايىن Junior Eurovision بايقاۋىنا قاتىسۋى «حابار» اگەنتتىگىنىڭ 2016 جىلى ەۋروپالىق حابار تاراتۋ وداعىنا (ەۆU) مۇشەلىككە قابىلدانۋىنىڭ ارقاسىندا مۇمكىن بولىپ وتىر.
ەسكەرەتىن ءبىر جايت، ناتيجەسى ۇلتتىق ءجيۋريدىڭ باعالاۋى جانە ورتالىقتاندىرىلعان عالامدىق ونلاين-داۋىس بەرۋ قورىتىندىسى بويىنشا شىعارىلادى. ونەرپازدارىمىز ۇلتتىق جيۋريدەن ەڭ جوعارعى باعا العانىمەن ونلاين-داۋىس بەرۋدەگى بەلسەندىلىكتىڭ تومەندىگىنەن باس جۇلدەنى يەلەنە الماي قالىپ ءجۇر. ماسەلەن، 2019-2020 جىلدارى ەرجان ماكسيم مەن قاراقات باشانوۆانىڭ ەلىمىزگە جەڭىس سىيلاۋىنا ونلاين تۇردە بەرىلەتىن ساناۋلى عانا داۋىس جەتپەي قالعان بولاتىن. سوندىقتان ۇيىمداستىرۋشىلار وتاندىق ونەرپازىمىزعا ونلاين-داۋىس بەرۋدە بەلسەندى بولۋعا شاقىرادى.
داۆيد چارلينگە داۋىس بەرۋ ءۇشىن:
- https://junioreurovision.tv/ نەمەسە https://jesc.tv/ سىلتەمەلەرى ارقىلى سايتقا كىرۋ؛
- تىزىمنەن داۆيد ءچارليندى تاڭداۋ؛
- «داۋىس بەرۋ» باتىرماسىن باسۋ.
داۋىس بەرۋدىڭ العاشقى كەزەڭى استانا ۋاقىتى بويىنشا 10 جەلتوقسان كۇنى ساعات 01:00-دەن باستالىپ، 11 جەلتوقسان كۇنى ساعات 20:59-دا اياقتالادى. ەكىنشى كەزەڭدە داۋىس بەرۋ استانا ۋاقىتى بويىنشا 11 جەلتوقسان كۇنى بارلىق قاتىسۋشىلار ونەر كورسەتىپ بولعاننان كەيىن 15 مينۋت ىشىندە عانا قولجەتىمدى بولادى. ⠀⠀⠀⠀⠀
ەسكە سالساق، 2018 جىلى بۇل بايقاۋعا قازاقستان اتىنان العاش بولىپ جاس ءانشى دانەليا تۋلەشوۆا قاتىسىپ، 6-ورىندى يەمدەنگەن بولاتىن. 2019 جىلى جالپى داۋىس بەرۋ ناتيجەسىندە ەرجان ماكسيم 2-جۇلدەلى ورىنعا يە بولدى. 2020 جىلى Junior Eurovision بايقاۋىندا قاراقات باشانوۆا دا 2-ورىندى يەمدەندى. بىلتىر قازاقستاننان بەكنۇر جانىبەك ۇلى مەن ءالينۇر حامزين قاتىسىپ، 19 ەلدىڭ ىشىنەن 8-ورىنعا تۇراقتاعان.