دەنساۋلىق ساقتاۋ مينيسترلىگى "حالىق دەنساۋلىعى جانە دەنساۋلىق ساقتاۋ جۇيەسى تۋرالى" ق ر كودەكسىنە دەنساۋلىق ساقتاۋ ينفراقۇرىلىمىن جاقسارتۋ جانە شالعايداعى اۋىلدىق ەلدى مەكەندەردە جانە اۋىلدىق دەنساۋلىق ساقتاۋ وبەكتىلەرىندە دارى-دارمەكتەرگە قولجەتىمدىلىك دەڭگەيىن ارتتىرۋ بويىنشا وزگەرىستەر مەن تولىقتىرۋلار ەنگىزۋدى ۇسىندى، دەپ حابارلايدى Almaty-akshamy.kz Elorda.info-عا سىلتەمە جاساپ.
مەملەكەت باسشىسى مۇگەدەك ازاماتتاردىڭ ءومىر ءسۇرۋ ساپاسىن جاقسارتۋ ءۇشىن قوسىمشا شارالار قابىلداۋدى كوزدەيتىن زاڭعا قول قويدى، وندا كودەكسكە ەنگىزىلگەن وزگەرىستەر ەسكەرىلگەن.
مينيسترلىكپەن كودەكسكە وزگەرىستەر مەن تولىقتىرۋلار جوباسىن ازىرلەۋ كەزىندە پرەپاراتتاردى ساتىپ الۋ ءۇشىن اۋدان ورتالىقتارىنا جۇگىنۋگە ءماجبۇر اۋىل تۇرعىندارىنىڭ قاجەتتىلىكتەرى ەسكەرىلدى.
كودەكسكە ەنگىزىلگەن وزگەرىستەر اۋىل تۇرعىندارىنىڭ دارى-دارمەكپەن قامتاماسىز ەتۋگە قولجەتىمدىلىگىن ارتتىرادى جانە ولاردى ساتىپ الۋ ءۇشىن ءىرى ەلدى مەكەندەرگە بارۋ قاجەتتىگىنە بايلانىستى شىعىنداردى ازايتادى.
ءدارىحانالار جوق اۋىلدىق ەلدى مەكەندەردەگى دارىلىك زاتتار مەن مەديسينالىق بۇيىمدار مەديسينالىق-سانيتاريالىق العاشقى، كونسۋلتاسيالىق-دياگنوستيكالىق كومەك كورسەتەتىن دەنساۋلىق ساقتاۋ ۇيىمدارىنداعى ءدارىحانا پۋنكتتەرى نەمەسە جىلجىمالى ءدارىحانا پۋنكتتەرى ارقىلى وتكىزىلەتىن بولادى.
دەنساۋلىق ساقتاۋ مينيسترلىگى، جەرگىلىكتى اتقارۋشى ورگاندار جانە باسقا دا مۇددەلى مەملەكەتتىك ورگاندار دارىلىك ساياساتتى جەتىلدىرۋ بويىنشا ودان ءارى شارالار قابىلدايتىن بولادى.
ايتا كەتەرى، ستاتيستيكالىق دەرەكتەرگە سايكەس، قازىرگى ۋاقىتتا قازاقستان حالقىنىڭ شامامەن 40%-ى اۋىلدىق جەرلەردە تۇرادى، بۇل رەتتە ءاربىر ءۇشىنشى ەلدى مەكەندە ءدارىحانالار جوق.