ديماشتىڭ الماتىدا تۇسىرىلگەن جاڭا كليپى شىقتى

سول بەينەبايانعا پىكىر جازىپ، جەڭىمپاز اتانعان وقىرمان 10 كۇن بويى جوعارى ساتىدا تۇرسا، ارنايى سىيلىق الادى.

وعان ديماشتىڭ 24 مامىردا ستامبۋلدا وتەتىن جەكە كونسەرتىنە ەكى بيلەت بەرىلەدى، دەپ حابارلايدى Almaty-akshamy.kz

ستامبۋل قالاسىندا ديماش قۇدايبەرگەننىڭ When I’ve got you اتتى جاڭا تۋىندىسىنا ارنالعان بەينەباياننىڭ تۇساۋ كەسەر ءراسىمى بولدى.

بەينەبايان يدەياسىنىڭ اۆتورلارى – ديماش قۇدايبەرگەن مەن كليپتىڭ رەجيسسەرى عالىم اسىلوۆ. 

رەجيسسەر مەن جوبانىڭ ەكىنشى رەجيسسەرى ءارى جەلىلىك پروديۋسەرى جانىبەك عۇسمانوۆتىڭ ايتۋىنشا، كليپ الماتىدا ءتۇسىرىلدى. بەينەبايانعا قىتايدان كەلگەن 70-تەن استام مامان شىعارماشىلىق توپتا جۇمىس ىستەدى. ءدال سول جەردە باس كەيىپكەردىڭ كوستيۋمى تىگىلىپ، ءانشىنىڭ بۇكىل وبرازى جاسالدى.

كاستينگ وڭاي بولعان جوق. باستى كەيىپكەردىڭ رولىنە كوپتەگەن اكتريسالار مەن مودەلدەر ءوز باقتارىن سىنادى. ەجەلگى انتيكالىق مادەنيەتتى ىزدەۋ وڭاي بولمادى. سول سەبەپتى، بەينەجازبا ءۇش جەردە ءتۇسىرىلدى، – دەدى عالىم اسىلوۆ. 

كليپتى ديماش قۇدايبەرگەننىڭ You tube-دەگى جانە باسقا دا الەۋمەتتىك جەلىدەگى پاراقشالارىنان كورۋگە بولادى. سونىمەن بىرگە كليپ dimashnews.com.سايتىندا جاريالانعان.

بەينەبايانعا پىكىر جازعان وقىرماننىڭ كوممەنتارييى 10 كۇن بويى جوعارى ساتىدا تۇرسا، ارنايى سىيلىق الادى. وعان ديماشتىڭ 24 مامىردا ىستانبۇلدا وتەتىن جەكە كونسەرتىنە ەكى بيلەت بەرىلەدى. ونىڭ ىشىنە قوناق ۇيدە تۇرۋ جانە ۇشۋ اقىسى دا كىرەدى.