بۇل وزگەرىستەر الداعى وقۋ جىلىندا 1-سىنىپقا قابىلدانعان كەزدە ەنگىزىلەدى.
ەندى بالالار ليسەيلەر مەن گيمنازيالارعا 1-سىنىپقا قابىلدانۋ ءۇشىن ەمتيحان تاپسىرمايدى، دەپ حابارلايدى Almaty-akshamy.kz
بۇل تۋرالى وقۋ-اعارتۋ مينيسترلىگى ورتا ءبىلىم كوميتەتىنىڭ ءتوراعاسى قانىبەك جۇماشيەۆ مالىمدەدى.
«بۇل نورما دايىندىق دەڭگەيىنە قاراماستان بالالاردى قابىلداۋعا قويىلاتىن شەكتەۋلەردى الىپ تاستاپ، نەگىزگى ءبىلىمدى مەڭگەرۋ ءۇشىن تەڭ مۇمكىندىكتەر مەن قولجەتىمدىلىكتى قامتاماسىز ەتەدى»،- دەدى جۇماشيەۆ.
ءتوراعانىڭ ايتۋىنشا، تەستىلەۋگە قاتىسۋدان تۋىندايتىن پسيحولوگيالىق كۇيزەلىس جويىلادى. كۇيزەلىس بالانىڭ پسيحوەموسيونالدى جاعدايىن ناشارلاتىپ، ونىڭ دەنساۋلىعىنا تەرىس اسەر ەتۋى مۇمكىن.