ديماش قۇدايبەرگەنگە «قازاقستاننىڭ ەڭبەك ەرى» اتاعىن بەرۋ ۇسىنىلدى

بەلگىلى جىرشى ديماشقا اتاق بەرۋ ماسەلەسىن كوتەردى

بەلگىلى جىرشى، فولكلورتانۋشى عالىم بەرىك ءجۇسىپوۆ ءانشى ديماش قۇدايبەرگەنگە «قازاقستاننىڭ ەڭبەك ەرى» اتاعىن بەرۋدى ۇسىندى، دەپ حابارلايدى Almaty-akshamy.kz

 بۇل تۋرالى جىرشى ءوزىنىڭ الەۋمەتتىك جەلىدەگى پاراقشاسىندا جازدى. 

ونىڭ سوزىنشە، ەرەكشە جەتىستىگى ءۇشىن بەرىلەتىن التىن جۇلدىز ديماش قۇدايبەرگەننىڭ كەۋدەسىندە جارقىراۋ كەرەك. جەر ءجۇزىنىڭ تىڭدارماندارىنا تاڭداي قاقتىرىپ، تامساندىرعان تەڭدەسى جوق قۇبىلىستى دەر كەزىندە باعالاي الماي وتىرعان ءبىزدىڭ ارەكەتىمىز – قىلمىس، - دەيدى ول. 

«قازاقستانعا سىڭىرگەن ەرەكشە جەتىستىگى ءۇشىن بەرىلەتىن «قازاقستاننىڭ ەڭبەك ەرى» دەگەن اتاق بار. وسى التىن جۇلدىز ديماش قۇدايبەرگەننىڭ كەۋدەسىندە جارقىراۋ كەرەك. ءيا، ونى «ءالى جاس قوي» دەيتىندەر دە تابىلادى. جوق، كەشىرىڭىز، ديماش جاس ەمەس، ءتىپتى جاس بولىپ تا كورگەن ەمەس. كەرىسىنشە، ونەر ارقىلى قازاقتى دۇنيە جۇزىنە تانىتۋدىڭ جولىن تاپقان، جەر ءجۇزىنىڭ تىڭدارماندارىنا تاڭداي قاقتىرىپ، تامساندىرعان تەڭدەسى جوق قۇبىلىستى دەر كەزىندە باعالاي الماي وتىرعان ءبىزدىڭ ارەكەتىمىز – قىلمىس! كەڭەس وداعى قالىپتاستىرعان سانا ستەرەوتيپتەرىن كۇل-پارشا ەتەتىن ۋاقىت جەتتى. شىن مانىندە، بۇل اتاعىڭا ديماش ءزارۋ ەمەس، قايتا الگىنىڭ دارەجەسىن كوتەرە ءتۇسۋ ءۇشىن ديماش سول اتاعىڭا كەرەك. ءقازىر الەمدە ديماشتىڭ ەسىمى قازاق دەگەن ءسوزدىڭ ءسينونيمى ءارى سيمۆولى رەتىندە قابىلدانادى. بۇل دەگەنىڭ عاجاپ قوي، ءبىز سەكىلدى از ۇلتقا ودان ارتىق نە كەرەك؟ ءسىز قالاي ويلايسىز، وتانداس؟» – دەپ جازادى ول.