قالادا «جەدەل جاردەم» قىزمەتىنە تاۋلىگىنە 2800 قوڭىراۋ تۇسەدى
قالالىق قوعامدىق دەنساۋلىق ساقتاۋ باسقارماسىنىڭ مالىمەتىنە سايكەس، الماتىدا «جەدەل جاردەم» بريگادالارى كۇنىنە ورتا ەسەپپەن 2500-2800 قوڭىراۋعا قىزمەت كورسەتەدى، دەپ حابارلايدى Almaty-akshamy.kz
«جەدەل جاردەم» جۇمىسىندا سۇرانىستىڭ ازايعانى بايقالادى. شاقىرتۋ ەداۋىر ازايدى. ءقازىر ءبىر بريگادا كۇنىنە 12 شاقىرتۋعا شىعادى. جالپى، «جەدەل جاردەم» تاۋلىگىنە 2500-2800 قوڭىراۋعا قىزمەت كورسەتەدى. قالادا 200 بريگادا بار»،- دەپ حابارلادى باسقارمادان.
«جەدەل جاردەم» قىزمەتىندە تاجىريبەلى دارىگەرلەر قىزمەت ەتەدى. جۇرگىزۋشىلەر قۇرامى تولىق. ايتا كەتەيىك، رەسمي دەرەككە سايكەس، 17 قازان كۇنى 318 ادامنان كوروناۆيرۋس انىقتالعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن – 286، سيمپتومسىز – 32 ناۋقاس تىركەلدى.
بارلىق ەمدەلىپ شىققاندار – 16، كەلىپ تۇسكەنى – 67. ينفەكسيالىق ستاسيونارلاردا 1 368 ادام بار. ونىڭ 28ء-ى — بالا.