الماتىدا كولىكتى ماس كۇيىندە تىزگىندەگەن جۇرگىزۋشى پوليسيا قىزمەتكەرىن باسىپ كەتتى

ماس جۇرگىزۋشى پوليسيا قىزمەتكەرىن قاعىپ كەتتى

بۇل فاكت ءتۇن ورتاسىندا ورىن الدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«بۋران-227» پاترۋلدىك ەكيپاجى قابانباي باتىر كوشەسىندە قۇقىق قورعاۋ قىزمەتىن اتقارۋ كەزىندە قاراما-قارسى باعىتتاعى جولاقتا كەلە جاتقان Hyundai اۆتوكولىگىن بايقادى. پوليسيا قىزمەتكەرلەرىنىڭ تالاپتارىنا كولىك جۇرگىزۋشىسى ءمان بەرمەدى. كەرىسىنشە، ولاردان قاشا باستادى. بىردەن راديوستانسيا ارقىلى پاترۋلدىك جاساقتارعا كورسەتىلگەن كولىككە باعدار بەرىلدى جانە ونىڭ قوزعالىسىنىڭ كوورديناتتارى دەرەۋ تاراتىلدى. تالعار قالاسىنىڭ باعىتىنداعى ەكولوگيالىق پوستتا قىزمەت ەتىپ تۇرعان پوليسيا اعا لەيتەنانتى مەيىرجان بيسەمبايەۆ قۇقىق بۇزۋشىنى توقتاتۋعا تىرىستى، ول توقتاماستان، ينسپەكتوردى تولىق جىلدامدىقپەن قاعىپ كەتتى. ەكى اياعىنىڭ سىنۋى، ىشكى مۇشەلەرىنىڭ جارىلۋى، باس سۇيەگىنىڭ جابىق جاراقاتىمەن پوليسيا قىزمەتكەرى اۋرۋحاناعا جاتقىزىلدى. Hyundai جۇرگىزۋشىسى ۇستالدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.

قۇقىق بۇزۋشى – 1962 جىلى تۋعان ۋ.ەسىمدى ازامات. ونىڭ كولىكتى ماس كۇيىندە باسقارعانى انىقتالدى.

بۇل فاكت ق ر قك-نىڭ 346-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى.