ديماش قۇدايبەرگەن لاتىن امەريكادا ۇلكەن كونسەرت وتكىزەدى، دەپ حابارلايدى Aqshamnews.kz
قازاقستاننىڭ حالىق ءارتىسى ديماش قۇدايبەرگەن 2025 جىلدىڭ 8 قازانىندا مەكسيكا استاناسى مەحيكودا جەكە كونسەرتىن وتكىزبەك. “Stranger” اتتى شوۋ الەمگە ايگىلى Auditorio Nacional زالىندا وتەدى. بۇل ورىن — مەكسيكانىڭ ەڭ تانىمال ءارى بەدەلدى كونسەرت الاڭدارىنىڭ ءبىرى.
وسى جاڭالىقتى ەستىگەن جانكۇيەرلەر الەۋمەتتىك جەلىلەردە ءوز قۋانىشتارىن جارىسا جازىپ، ديماشتى قولداۋعا دايىن ەكەندەرىن بىلدىرۋدە.
ايتا كەتەيىك، جۋىردا ديماش قىرعىزستاندا وتكەن IV «مەيكين ازيا» حالىقارالىق مۋزىكالىق فەستيۆالىنە قاتىسىپ، سول جەردە وعان “قىرعىزستاننىڭ حالىق ءارتىسى” اتاعى بەرىلگەن بولاتىن.