گرەيپفرۋت ءبىرقاتار اۋرۋلاردان قورعايدى
رەسەيلىك ديەتولوگ سۆەتلانا زەلەنسوۆا گرەيپفرۋتتى نە ءۇشىن تاماقتانۋ راسيونىنا قوسۋ كەرەكتىگىن، سونىمەن بىرگە، ونىڭ قانداي اۋرۋلاردان قورعايتىنىن ايتتى.
ماماننىڭ ايتۋىنشا، بۇل جەمىس دارۋمەندەر جانە ميكروەلەمەنتتەرگە باي، اسىرەسە كرەمنيي جانە س دارۋمەنى كوپ. وسىنىڭ ءبارى گرەيپفرۋتتىڭ ادامنىڭ يممۋنيتەتىن كۇشەيتىپ قانا ەمەس، سونداي-اق، ونىڭ اعزاسىنداعى كوللاگەن سينتەزىن ارتتىرۋعا كومەكتەسەدى.
بۇل تۋرالى رەن-تۆ سايتىندا جازىلدى، دەپ حابارلايدى Almaty-akshamy.kz ءتىلشىسى.
«بۇل جەمىستىڭ قۇرامىندا ءبىرقاتار فيتوحيميالىق زاتتار بار، ولاردىڭ قاسيەتتەرى ءالى كۇنگە دەيىن زەرتتەلىپ جاتىر. ولاردىڭ كەيبىرەۋى قارتايۋدى تەجەيتىن زات – گەروپرتەكتورلار دەپ تانىلعان. مىسالى، نارينگەنين انتيوكسيدانتتى، ۆيرۋسقا قارسى، ىسىككە قارسى، انتيباكتەريالدى جانە قابىنۋعا قارسى قاسيەتتەرگە يە»، - دەپ ءتۇسىندىردى سۆەتلانا زەلەنسوۆا.
ول جۇرەك پەن تامىرلاردىڭ جاعدايىن جاقسارتۋعا، سونداي-اق، تابەتتى باسۋعا مۇمكىندىك بەرەدى. ودان بولەك، گرەيپفرۋتتىڭ قۇرامىنداعى نوبيلەتين سەمىزدىك، اتەروسكلەروز جانە ءينسۋليندى توزىمدىلىك كەزىندە دە پايدالى.
ديەتولوگ اتاپ وتكەندەي، بۇل جەمىس ءوتتىڭ ىركىلۋى كەزىندە اسقازان ءسولىنىڭ قىشقىلدىعى تومەندەسە، اس قورىتۋ ءسولىنىڭ ءبولىنۋىن جاقسارتۋعا كومەكتەسەدى، ال گرەيپفرۋت قۇرامىنداعى وزەك (جاسۇنىق) ىشەك ءۇشىن پايدالى.
«مەن بۇل جەمىستى اپتاسىنا ءبىر رەتتەن ءجيى بولمايتىنداي قولدانۋعا كەڭەس بەرەمىن»،- دەپ اتاپ ءوتتى مامان.
سونىمەن بىرگە، مامان بۇل جەمىستى كىمدەرگە قولدانۋعا بولمايتىنىن دا ايتتى. اسقازان-ىشەك تراكتىنىڭ ءجىتى جەدەل اۋرۋلارى جانە ساليسيلاتتارعا جوعارى سەزىمتالدىعى بارلارعا ونى تاماقتانۋ راسيونىنان تولىعىمەن الىپ تاستاۋ قاجەتتىگىن جەتكىزدى.