ديابەتتىڭ ادامنىڭ تەرىسىنەن بايقالاتىن سيمپتومى بەلگىلى بولدى

امەريكالىق دارىگەرلەردىڭ ايتۋىنشا، قانت ديابەتىنە شالدىققان ادامنىڭ تەرىسىندە كىشكەنتاي قىزىل بورتپەلەر پايدا بولادى.

امەريكالىق دەرماتولوگيا اكادەمياسىنىڭ ماماندارى قانت ديابەتى ادامنىڭ بارلىق مۇشەلەرىنە، سونىڭ ىشىندە تەرىگە دە زياندى اسەر ەتەتىنىن ەسكەرتتى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.

مامانداردىڭ مالىمەتىنشە، اۋرۋدىڭ بولۋى مۇمكىن ەكەنىن كورسەتەتىن بۇل سيمپتومدى جاي كوزبەن-اق كورۋگە بولادى. بۇل بەزەۋگە ۇقسايتىن كىشكەنتاي قىزىل بورتپەلەردىڭ پايدا بولۋى، ولار ۋاقىت وتە كەلە سارى، قىزىل نەمەسە ءتىپتى قوڭىر ءتۇستى سوپاق داقتارعا اينالادى. كوبىنەسە اياقتىڭ تومەنگى بولىگىندەگى تەرىسى زاقىمدالادى. بورتپە تىعىز، قاتتى بولادى جانە ءىسىنۋى مۇمكىن.

دەرماتولوگ رەيگان اندەرسون بۇل اۋرۋدىڭ بەلگىلەرىنىڭ ءبىرى ەكەنىن اتاپ ءوتىپ، مۇنداي بورتپەنىڭ ءبارى ادامنىڭ قانت ديابەتىمەن اۋىراتىنىن بىلدىرمەيدى دەپ وتىر. وسىنداي بورتپە بايقالعان جاعدايدا دەرەۋ دارىگەرمەن كەڭەسۋدى ۇسىنادى، سوندا عانا قاجەتتى قان تالداۋىنان ءوتىپ، ناۋقاستا قانت ديابەتى بار-جوعىن ناقتى ايتۋعا بولادى.

بۇدان بۇرىن بريتاندىق فارماسيەۆت سۋمايي پاتەل 2ء-تيپتى قانت ديابەتىنىڭ نەگىزگى التى سيمپتومىن اتادى، ولاردىڭ ءبىرى تۇندە بايقالۋى مۇمكىن.

دۇنيە جۇزىندە شامامەن 537 ميلليون ەرەسەك ادام قانت ديابەتىمەن اۋىرادى جانە بۇل كورسەتكىش ارتىپ كەلەدى. اۋرۋ قانداعى قانت دەڭگەيىنىڭ تۇراقسىزدىعىنان تۋىندايدى، قاجەتتى شارالار قابىلدانباعان جاعدايدا ورگانيزمگە زاقىم كەلتىرۋ ءقاۋپىن تۋدىرادى.