الماتىدا بۇگىنەن باستاپ ساۋدا، قوعامدىق تاماقتانۋ، بازارلار، جانارماي-جاعارماي قۇيۋ بەكەتتەرى، ونەركاسىپ ورىندارى جۇمىس ىستەيدى.
12 قاڭتارداعى جاعداي بويىنشا، الماتى قالاسىندا 149 ءىرى جانە ورتا سۋپەرماركەتتەردىڭ 120-سى جۇمىس ىستەيدى. تارتىپسىزدىك بارىسىندا ءىرى ساۋدا جەلىلەرىنىڭ 31 وبەكتىسى زارداپ شەكتى. بۇگىندە 52 ساۋدا بازارى جۇمىس ىستەيدى. بازارلار اراسىندا زارداپ شەككەن نىساندار انىقتالعان جوق، دەپ حابارلايدى Almaty-akshamy.kz قازاقپاراتقا سىلتەمە جاساپ.
220 جانار-جاعارماي قۇيۋ بەكەتىنىڭ 127ء-سى كەستەگە سايكەس جۇمىس ىستەپ جاتىر. 13 قاڭتاردان باستاپ قوسىمشا 33 جەلىلىك ەمەس جەكە ججقب اشۋ جوسپاردا. جانار-جاعارماي قۇيۋ بەكەتتەرىنىڭ 74 نىسانى زارداپ شەكتى، ونىڭ 14ء-ى قالپىنا كەلتىرىلدى.
قالادا 93 ءىرى ساۋدا وبەكتىسى بار. 11 قاڭتاردان باستاپ التاۋى جۇمىسىن باستادى. «گلوبۋس»، «سپۋتنيك»، «ريتس پالاس»، «الما-اتا»، «گراند پارك»، «الماتى مولل»، سونداي-اق 60 ساۋدا ورتالىعى ىسكە قوسىلدى. 12 قاڭتاردان باستاپ 8 ساۋدا ورتالىعى جۇمىس ىستەيدى. اتاپ ايتار بولساق، «دوستىق پلازا»، «مەگا پارك»، «مەگا الما-اتا»، «اتاكەنت مولل»، «مارت»، «سيلكۋەي سيتي»، «الاتاۋ». 17 نىسان «ماسكەۋ»، «مبو»، «ازيا پارك»، «المالى»، «ماكسيما»، «اسىل»، «نۇر»، «الما-اتا»، «ارەنا»، «دوميلليون»، «12 اي»، «پرومەناد»، «پاسساج»، «مەگاتاۋ»، «مەرەي»، «موبيل»، «سيتي سەنتر» ساۋدا ۇيلەرى زارداپ شەكتى. ولار قايتا جاڭارتىلۋعا جاتادى.
«ەسەنتاي مولل»، «فورۋم» سوسو قالاداعى جاعدايدىڭ تۇراقتانۋىن كۇتۋدە، سودان كەيىن كەلۋشىلەر ءۇشىن اشىق بولادى. بۇگىنگى كۇنى 3،2 مىڭ قوعامدىق تاماقتانۋ وبەكتىلەرىنىڭ 1،5 مىڭى جۇمىس كەستەسىمەن ساعات 09.00-دەن 18.00-گە دەيىن جۇمىس ىستەيدى. سونداي- اق ول جەردە توتەنشە جاعداي رەجيمى اياقتالعانعا دەيىن سپيرتتىك ىشىمدىكتەردى ساتۋعا تيىم سالىندى. 39 قوعامدىق تاماقتانۋ نىسانى زارداپ شەكتى. بۇگىندە 120 كاسىپورىننىڭ 82ء-ى جۇمىس ىستەيدى. 19 قاڭتارعا دەيىن 38 كاسىپورىندى ىسكە قوسۋ كوزدەلگەن.