دەزينفەكسيا قىزمەتتەرى تۋرالى نە ءبىلۋىڭىز كەرەك...

2024 جىلعى 1 شىلدەدەن باستاپ دەزينفەكسيا، دەزينسەكسيا جانە دەراتيزاسيا قىزمەتتەرىن ليسەنزيالاۋ ەنگىزىلەدى.

دەنساۋلىق ساقتاۋ سالاسىندا دەزينفەكسيالاۋ، دەزينسەكسيالاۋ، دەراتيزاسيالاۋ ءۇشىن قولدانىلاتىن پرەپاراتتار مەملەكەتتىك تىركەۋگە جاتادى.

حالىقتىڭ دەنساۋلىعىن ساقتاۋ جانە سانيتاريالىق-ەپيدەميولوگيالىق سالاماتتىلىعىن قامتاماسىز ەتۋ ءۇشىن كەلەسى ۇسىنىمداردى ساقتاۋ ماڭىزدى: 

1) جاندىكتەردەن وڭدەۋ جۇرگىزۋ ءۇشىن جاندىكتەر مەن كەمىرگىشتەردەن پروفيلاكتيكالىق وڭدەۋدى جۇزەگە اسىراتىن مامانداندىرىلعان ۇيىمدارعا جۇگىنۋ قاجەت؛

2) وڭدەۋدى ءوز بەتىنشە جۇرگىزۋگە، تىركەلمەگەن، سونداي-اق ۆەتەريناريا مەن فيتوسانيتارياعا ارنالعان پرەپاراتتاردى پايدالانۋعا قاتاڭ تىيىم سالىنادى؛

3) مامانداندىرىلعان ۇيىمداردى تارتا وتىرىپ، دەزينسەكسيا جۇرگىزەر الدىندا وبەكتىنىڭ اكىمشىلىگىن (پيك، ميب جانە ت. ب.) جانە باسپالداق الاڭى مەن جوعارىداعى جانە تومەندەگى كورشىلەرىڭىزدى ونى وتكىزۋ كۇنى مەن ۋاقىتى، قولدانىلاتىن قۇرالدار مەن ساقتىق شارالارى تۋرالى حاباردار ەتىڭىز؛

4) دەزينسەكسيا تەرەزەلەر جابىق بولعان كەزدە جۇرگىزىلەدى. جۇمىس اياقتالعاننان كەيىن بولمە پرەپاراتتى قولدانۋ جونىندەگى نۇسقاۋلىققا سايكەس مۇقيات جەلدەتىلەدى، جەلدەتۋ جۇرگىزىلگەنگە دەيىن ۇيدە قالماڭىز، ءبىراق پرەپاراتتىڭ اسەر ەتۋ ۋاقىتىندا تازا اۋادا سەرۋەندەگەنىڭىز ءجون.

جاندىكتەردى وزدىگىنەن وڭدەۋ ءسىزدىڭ جانە تۋىستارىڭىزدىڭ دەنساۋلىعىنا زيان تيگىزۋى مۇمكىن، ءتىپتى ولىمگە اكەلۋى مۇمكىن. وزىڭىزگە جانە جاقىندارىڭىزعا قامقور بولىڭىز!