مەملەكەتتىك كىرىستەر كوميتەتى 2023 جىلعى 1 قاراشادان باستاپ قازاقستان-رەسەي شەكاراسىندا «بيدايىق» اۆتوموبيل وتكىزۋ پۋنكتىندە (سولتۇستىك قازاقستان وبلىسى) «CarGoRuqsat» ەلەكتروندىق كەزەك جۇيەسىن قولدانۋ بويىنشا پيلوتتىق جوبا ىسكە قوسىلعانىن حابارلايدى.
«CarGoRuqsat» تاسىمالداۋشىلارعا رەسەي فەدەراسياسىمەن شەكارادان ءوتۋ ءۇشىن كەزەكتى الدىن الا برونداۋ مۇمكىندىگىن بەرەدى.
پيلوتتىق جوبا شەڭبەرىندە ەلەكتروندىق كەزەكتى برونداۋ تەگىن نەگىزىندە جۇزەگە اسىرىلادى.
ەلەكتروندىق كەزەكتى قولدانۋ شەكارادان ءوتۋدىڭ اشىقتىعى مەن جەدەلدىگىن قامتاماسىز ەتۋگە مۇمكىندىك بەرەدى، جۇك اۆتوكولىكتەردىڭ جينالۋىنا جول بەرمەيدى.
سونىمەن قاتار، «CarGoRuqsat» مەملەكەتتىك ورگانداردىڭ 13 اقپاراتتىق جۇيەسىمەن بىرىكتىرىلگەن، بۇل باقىلاۋ فۋنكسيالارىنىڭ ءبىر بولىگىن اۆتوماتتاندىرۋعا جانە ادامي فاكتوردى الىپ تاستاۋعا مۇمكىندىك بەردى.
اتاپ ايتقاندا، ەلەكتروندىق كەزەكتى برونداۋ كەزەڭىندە ساقتاندىرۋ پوليستەرىنىڭ، تاسىمالداۋعا رۇقساتتاردىڭ، اقىلى جولدار بويىنشا بەرەشەكتەردىڭ جانە ت. ب. بولماۋى باقىلاۋ جۇزەگە اسىرىلادى.
ماسەلەن، پيلوتتىق جوبانىڭ باسىنان باستاپ ەلەكتروندىق كەزەكتى برونداۋ كەزىندە تاسىمالداۋشىلاردا جۇك اۆتوكولىكتەرىن باسقارۋ قۇقىعىنا ءتيىستى ساناتتاعى حالىقارالىق تاسىمالدارعا رۇقساتتاردىڭ، ساقتاندىرۋ پوليستەرىنىڭ جانە ت. ب. بولماۋى فاكتىلەرى انىقتالدى.
مۇنداي قۇجاتتاردىڭ بولۋى قولدانىستاعى زاڭنامادا كوزدەلگەن، بارلىق تاسىمالداۋشىلار ءۇشىن مىندەتتى جانە جول ءجۇرىسى قاۋىپسىزدىگىن قامتاماسىز ەتۋگە باعىتتالعان. ءوز كەزەگىندە، بۇزۋشىلىقتارى جوق پاراساتتى تاسىمالداۋشىلار ەلەكتروندىق كەزەكتى ەنگىزۋدى وڭ قابىلداپ، شەكارادان ءوتۋدىڭ جەدەلدىگى تۋرالى حابارلايدى (10-15 مينۋت ىشىندە).
«بيدايىق» وتكىزۋ پۋنكتى ءموبيلدى ينتەرنەتپەن قامتاماسىز ەتىلگەن، قىزمەتكەرلەر قاجەتتى كونسۋلتاسيالىق جانە تەحنيكالىق كومەك كورسەتەدى، ونىڭ ىشىندە جۇرگىزۋشىلەردە بايلانىس بولماعان كەزدە، ەلەكتروندىق كەزەكتى برونداۋ كەزىندە سۇراقتار بولعان كەزدە جانە ت. ب.
پيلوتتىق جوبانى ىسكە قوسۋ تۋرالى اقپارات بۇرىن رەسپۋبليكالىق جانە وڭىرلىك دەڭگەيدەگى بۇقارالىق اقپارات قۇرالدارىندا جاريالانىپ، ءوڭىردىڭ ءىرى ەكسپورتتاۋشىلارى مەن تاسىمالداۋشىلارىمەن دوڭگەلەك ۇستەلدەر وتكىزىلگەنىن اتاپ ءوتۋ قاجەت.
قوسىمشا كونسۋلتاسيالار ماقساتىندا 13 قاراشادا سولتۇستىك قازاقستان وبلىسى ءۋاليحانوۆ اۋدانى اكىمدىگىنىڭ الاڭىندا، 14 قاراشادا «اتامەكەن» وڭىرلىك كاسىپكەرلەر پالاتاسىندا كەڭەس جوسپارلانعان.
پيلوتتىق جوبانىڭ باسىنان 10 كۇن وتكەنىنەن «CarGoRuqsat»-تا 123 جۇك اۆتوكولىگى ەلەكتروندى كەزەككە بروندالدى، ونىڭ ىشىندە 79 اۆتوكولىك رەسەي فەدەراسياسىنا ءوتتى، 44 اۆتوكولىك كەزەككە سايكەس وتكىزۋ پۋنكتىنە كەلەدى.
جالپى، «بيدايىق» وتكىزۋ پۋنكتى شتاتتىق رەجيمدە جۇمىس ىستەيدى، جۇك اۆتوكولىكتەرىنىڭ جينالۋى بايقالمايدى.
بارلىق سۇراقتار بويىنشا 1414، 8-800-080-7777 تەلەفوندار ارقىلى مكك سall-ورتالىعىنا حابارلاسۋعا بولادى.