ق ر قارۋلى كۇشتەرى دەسانتتىق-شابۋىلداۋ اسكەرلەرى 16194 اسكەري ءبولىمىنىڭ ءورت ءسوندىرۋ ەسەپتوبى شۇعىل تۇردە ءورتتى اۋىزدىقتادى، دەپ حابارلايدى Almaty-akshamy.kz.
ءورت اسكەري قالاشىقتاعى گاراجداردا بولدى. قىزىل جالىندى پاترۋل قۇرامىندا اسكەري ءبولىمنىڭ اۋماعىن اينالىپ وتكەن ەفرەيتور التاير مۇحامەدساليموۆ بايقادى. اسكەري قىزمەتشى بىردەن كەزەكشىگە بايانداپ، كەيىن وقيعا ورنىنا ءورت سوندىرۋشىلەر ەسەپتوبى كەلىپ جەتتى.
سەرجانت باقىتجان قاليدولدايەۆتىڭ باسشىلىعىمەن قۇرامىندا 10 ادامى بار ءورت سوندىرۋشىلەر توبى جارتى ساعات ىشىندە جالىندى اۋىزدىقتادى. ورىن العان وقيعانى جەلدىڭ ەكپىنى قيىنداتتى، سونىڭ سالدارىنان ءورت كورشى عيماراتتارعا دا تارالۋى مۇمكىن ەدى.
– نەگىزىنەن بۇل گاراجداردى اسكەري قالاشىق تۇرعىندارى قويما رەتىندە پايدالانادى. ءبىز ءورت تۇرعىن ۇيلەرگە نەمەسە اسكەري بولىمگە تارالماس ءۇشىن تەز ارەكەت ەتتىك. باقىتىمىزعا وراي، ەشكىم زارداپ شەككەن جوق، – دەيدى سەرجانت باقىتجان قاليدولدايەۆ.
ءورتتى ءسوندىرۋ كەزىندە ەسەپتوپ اسكەري بولىمدە ۇنەمى وتكىزىلەتىن ساباقتاردا العان بارلىق ءبىلىم مەن داعدىلارىن پايدالاندى. جەدەل جانە باتىل ارەكەتتەرىنىڭ ارقاسىندا وقيعا ناتيجەلى اياقتالىپ، جەكە قۇرامعا اسكەري قالاشىق تۇرعىندارى العىسىن ايتىپ، اسكەري ءبولىم كومانديرى پولكوۆنيك قالي تىقىروۆتىڭ ماقتاۋىنا يە بولدى.