ەلىمىزدە العاش ۇيىمداستىرىلىپ وتىرعان ءىس-شاراعا حالىقارالىق جانە قازاقستاندىق ب ا ق وكىلدەرى، تۋريزم سالاسىنىڭ ۇزدىكتەرى قاتىستى، دەپ حابارلايدى Almaty.aqshamy.kz.
ءىس-شارانىڭ العاشقى ءسوز كەزەگىندە الماتى وبلىسىن اكىمدىگى مارات سۇلتانعازييەۆ پەن اقپارات جانە قوعامدىق دامۋ ءمينيسترى دارحان ءقىدىرالى فورۋم قاتىسۋشىلارىنا العىس ءبىلدىردى.
-ەكى كۇن وڭىرىمىزگە اۋعان ەلدىڭ نازارى ەرەكشە. قونايەۆ قالاسىندا ەكى بىردەي حالىقارالىق دەڭگەيدەگى ءىس-شارا ۇيىمداستىرىلىپ جاتىر. ولار - ءى حالىقارالىق مەديا جانە تۋريزم فورۋمى جانە اۋە شارلارىنىڭ فەستيۆالى. الەمنىڭ 15-كە جۋىق ەلىنەن، ەلىمىزدىڭ ءار وڭىرىنەن كەلگەن ب ا ق وكىلدەرى تۇمسا تابيعاتىمىز جايلى اقپاراتتىق قولداۋ قولداۋ بىلدىرگەندەرىڭىزگە راحمەت! ءتۋريزمدى دامىتۋ ماقساتىندا اقپارات قۇرالدارىنا قولداۋ ءبىلدىرۋ ماڭىزدى. قونايەۆ قالاسىندا ارنايى G4 City قۇرىلماق. اتالعان ەكونوميكالىق ايماق 30 مىڭ گەكتار اۋماققا ورنالاسىپ، ق ر "ارنايى ەكونوميكالىق جانە يندۋستريالىق ايماقتار تۋرالى" زاڭىنىڭ اياسىندا جۇمىس ىستەيدى. G4 City ارنايى ايماعىن قۇرۋداعى ماقساتىمىز - وبلىستىڭ جاڭا اۋداندارىنا وتاندىق جانە شەتەلدىك ينۆەستيسيالاردى تارتۋ ءۇشىن قولايلى ينۆەستيسيالىق احۋالمەن قامتاماسىز ەتۋ، - دەيدى الماتى وبلىسىنىڭ اكىمى مارات سۇلتانعازييەۆ.
ايتۋلى شارانى تۇركىتىلدەس جۋرناليستەر قورى مەن الماتى وبلىسىنىڭ اكىمدىگى، اقپارات جانە قوعامدىق دامۋ مينيسترلىگى، مادەنيەت جانە سپورت مينيسترلىگى بىرلەسىپ ۇيىمداستىرىپ جاتىر.
-قونايەۆ قالاسى ازاماتتىق جۋرناليستيكانىڭ جانە الەمدىك ءتۋريزمنىڭ وتانىنا اينالارىنا سەنىمدىمىن. پرەزيدەنت ءوز سوزىندە قونايەۆ قالاسى الداعى ۋاقىتتا ءعىلىم-بىلىم، ستۋدەنت جاستار قالاسىنا اينالۋ كەرەكتىگىن ايتتى. وسى رەتتە، قونايەۆتاعى جاستار جايلى سەريال ءتۇسىرۋدى قولعا الۋدى جوسپارلاپ وتىرمىز. قىركۇيەك ايىندا مەديافورۋم جانە “ۇركەر” سىيلىعىن بىرىكتىرمەكپىز. بيىل “ۇركەر” سىيلىعىنا “ۇزدىك You Tube ارنا”، “ۇزدىك پودكاست” سىندى ەكى جاڭا اتالىمدى قوسامىز. الداعى ۋاقىتتا مەديا سالاسى ارقىلى ەلىمىزدىڭ ءتۋريزمىن دامىتۋدى قولعا الماقپىز. وسى رەتتە، تۇركىتىلدەس جۋرناليستەر قورىنا ۇلكەن العىسىمدى بىلدىرەمىن. بۇل ءىس-شارا ءتۋريزمدى دامىتۋدىڭ ۇلكەن باستاماسى بولدى دەپ نىق سەنىممەن ايتامىن، - دەيدى اقپارات جانە قوعامدىق دامۋ ءمينيسترى دارحان ءقىدىرالى.
فورۋم مەديا جانە تۋريزم سالاسىنداعى تاجىريبە الماسۋعا ىقپال ەتۋ جانە اقپارات كەڭىستىگىن دامىتۋ، ەلىمىزدەگى كورىكتى جەرلەر مەن تاريحي-مادەني ورىنداردى شەتەلدىك جانە وتاندىق باسپا ءسوز وكىلدەرىنە تانىستىرۋ، تۇركىتىلدەس جۋرناليستەر اراسىندا ىنتىماقتاستىق پەن ارىپتەستىك بايلانىستى ارتتىرۋ ماقساتىندا وتكىزىلىپ وتىر.