بۇل تۋرالى ورتالىق سايلاۋ كوميسسياسىنىڭ مۇشەسى اسىلبەك سماعۇلوۆ مالىمدەدى.
ءماجىلىس پەن ءماسليحات دەپۋتاتتىعىنا كانديداتتار سوتقا 166 تالاپ-ارىز بەرگەن، دەپ حابارلايدى Almaty-akshamy.kz
سماعۇلوۆ سايلاۋ پروسەسىندە تۋىنداعان داۋلار سوت ءتارتىبى ارقىلى دا شەشىلگەنىن اتاپ ءوتتى.
"سوتتارعا ءماجىلىس پەن ءماسليحات دەپۋتاتتىعىنا كانديداتتاردان بارلىعى 166 تالاپ-ارىز تۇسكەن. ونىڭ ىشىندە جوعارعى سوتتىڭ قاراۋىنا – 55، مامانداندىرىلعان اۋدانارالىق اكىمشىلىك سوتتارعا – 104 جانە اۋداندىق سوتتارعا 7 تالاپ-ارىز بەرىلدى"، - دەدى ول ورتالىق سايلاۋ كوميسسياسىنىڭ وتىرىسىندا.
ايتۋىنشا، 166 تالاپ-ارىزدىڭ 82ء-سى ءماجىلىس دەپۋتاتتىعىنا كانديداتتاردان، ال قالعان 84ء-ى ءماسليحات دەپۋتاتتىعىنا ۇمىتكەرلەردەن تۇسكەن.
"بۇگىندە سوتتاردا 164 تالاپ-ارىز قارالدى. ونىڭ ىشىندە 49-ى قاناعاتتاندىرىلدى، 84 تالاپ-ارىزدى سوتتار قاناعاتتاندىرۋدان باس تارتتى، 15 تالاپ قويۋشى ارىزىن كەرى قايتارىپ الدى، ال 16 ارىزدى سوت قاراۋسىز قالدىردى"، - دەدى سماعۇلوۆ.
ءقازىر سوتتاردىڭ قاراۋىندا ءماجىلىس پەن ءماسليحات دەپۋتاتتىعىنا كانديداتتاردان ەكى تالاپ-ارىز جاتىر. سونداي-اق وكرۋگتىك كوميسسيالاردىڭ شەشىمىمەن ءماجىلىس دەپۋتاتتىعىنا 6 كانديداتتىڭ قۇقىعى قالپىنا كەلتىرىلدى.
سوتقا تۇسكەن 166 تالاپ-ارىزدىڭ ەڭ كوبى كانديداتتار ۇسىنعان اكتيۆتەر مەن مىندەتتەمەلەر تۋرالى دەكلاراسيالارداعى مالىمەتتەردىڭ دۇرىس بولماۋىنا بايلانىستى بولعان.