مەگاپوليس اكىمى باقىتجان ساعىنتايەۆ قوعامدىق قاۋىپسىزدىكتى قامتاماسىز ەتۋدىڭ وزەكتى ماسەلەلەرى بويىنشا تەرروريزمگە قارسى كوميسسيانىڭ وتىرىسىن وتكىزدى
ارنايى قىزمەتتەر، قۇقىق قورعاۋ ورگاندارى مەن قالالىق باسقارمالار باسشىلارىنىڭ قاتىسۋىمەن وتكەن كەڭەس بارىسىندا دەسترۋكتيۆتى ەلەمەنتتەردىڭ قۇقىققا قارسى ارەكەتتەرىن دەر كەزىندە انىقتاۋ جانە جولىن كەسۋ جونىندە قابىلداناتىن شارالار قارالدى، دەپ حابارلايدى اlmaty-akshamy.kz
الماتى قالاسى ءدىن ىستەرى باسقارماسىنىڭ باسشىسى ن. قيقىموۆ ءدىني ەكسترەميزم مەن تەرروريزمنىڭ الدىن الۋ تۋرالى باياندادى. قالالىق پوليسيا دەپارتامەنتى باسشىسىنىڭ ءبىرىنشى ورىنباسارى ن. الماسبەكوۆ قارۋ، ءوق-دارى جانە جارىلعىش زاتتار اينالىمىنا بايلانىستى قۇقىق بۇزۋشىلىقتارعا جول بەرمەۋ تۋرالى بايانداما جاسادى. ءوز كەزەگىندە، قالالىق الەۋمەتتىك ءال-اۋقات باسقارماسىنىڭ باسشىسى ن. توعىزبايەۆا ءداستۇرلى ەمەس ءدىني اعىمداردىڭ ىقپالىنا ۇشىراعان ادامدار اراسىندا دەسترۋكتيۆتى يدەيالاردىڭ تارالۋىن بولدىرماۋ جونىندەگى جۇمىستار تۋرالى حابارلادى.
الماتى اكىمى ب. ساعىنتايەۆ جاعدايدى قاتاڭ باقىلاۋدا ۇستاۋدى تاپسىردى، قۇقىقتىق ءتارتىپتى، قاۋىپسىزدىك پەن تۇراقتىلىقتى قامتاماسىز ەتۋ مەگاپوليستىڭ ديناميكالىق دامۋى مەن قالا تۇرعىندارىنىڭ وزدەرىن جاقسى سەزىنۋلەرى ءۇشىن ماڭىزدى مىندەت ەكەنىن اتاپ ءوتتى.