ماجىلىستەگى «اق جول» فراكسياسىنىڭ دەپۋتاتتارى قازاقستانعا كارانتين تۋرالى جاڭا زاڭ قاجەت سانايدى.
دەپۋتات ايگۇل جۇمابايەۆا ەلدە شەكتەۋ شارالارىن قابىلداۋعا قۇقىلى جانە وزىنە جاۋاپكەرشىلىك الاتىن زاڭمەن بەلگىلەنگەن ورگان ءالى كۇنگە جوق ەكەنىن اتاپ ءوتتى، دەپ حابارلايدى Almaty-akshamy.kz
«بىلتىر "توتەنشە جاعداي تۋرالى" زاڭ بويىنشا ەلدە توتەنشە جاعداي رەجيمى جاريالاندى. تج مەرزىمى 30 كۇننەن اسپايتىنىنا بايلانىستى، وسى مەرزىم اياقتالىسىمەن قازاقستان توتەنشە جاعداي رەجيمىنەن شىعىپ، قۇقىقتىق تۋربۋلەنتتىك كۇيىنە ءتۇستى. كارانتيندىك شارالاردىڭ ايقىن ەرەجەلەرى جوق. سونىڭ كەسىرىنەن پاندەميا كەزىندە بيزنەس تىيىمداردىڭ وزىنەن ەمەس، بەلگىسىزدىكتەن كوبىرەك زارداپ شەگىپ وتىر»، - دەدى دەپۋتات.
وسىعان بايلانىستى «اق جول» فراكسياسى كارانتيندىك شارالار تۋرالى زاڭ قابىلداۋدى ۇسىندى. وندا كارانتيندى ەنگىزۋ ءتارتىبى، مەرزىمى مەن شارتتارى كورسەتىلىپ، شەكتەۋ ەنگىزۋگە قۇزىرەتى بار ورگان، ونىڭ وكىلەتتىگى مەن قابىلدانعان شەشىمدەر ءۇشىن جاۋاپكەرشىلىگى ايقىندالۋعا، سونداي-اق كارانتين جاعدايىندا كاسىپكەردى قورعاۋ شارالارى قاراستىرىلۋعا ءتيىس، دەپ ەسەپتەيدى دەپۋتاتتار.