تاراز قالاسىندا "اناعا تاعزىم" ورتالىعى اشىلدى، دەپ حابارلايدى Almaty-akshamy.kz
قازاقپارات اگەنتتىگىنىڭ اقپاراتى بويىنشا، نىسان ەل تاۋەلسىزىدىگىنىڭ 30 جىلدىعىنا وراي اشىلعان.
وبلىس اكىمى بەردىبەك ساپاربايەۆتىڭ باستاماسىمەن بوي كوتەرگەن ورتالىقتىڭ الدىنا اقجاۋلىقتى انالاردىڭ قۇرمەتىنە ەڭسەلى ەسكەرتكىش ورناتىلعان. نىسان جەرگىلىكتى دەمەۋشىلەردىڭ كومەگىمەن سالىنعان. مۇنداي ورتالىق بۇعان دەيىن اقتوبەدە بوي كوتەرسە، ەلىمىز بويىنشا ەكىنشى بولىپ تاراز قالاسىندا اشىلىپ وتىر.
سالتاناتتى شاراعا ەل اناسىنا اينالعان تانىمال تۇلعالار، بەلگىلى ازاماتتاردى ومىرگە الىپ كەلگەن اق جاۋلىقتىلار، سپورت پەن ونەردەگى نازىك جاندىلار، كاسىپكەر ايەلدەر مەن قوعام بەلسەندىلەرى قاتىستى.
ايماق باسشىسى وتكەننىڭ ونەگەسىن بۇگىنگى جاس بۋىننىڭ بويىنا ءسىڭىرۋ كەرەكتىگىن ايتىپ، ورتالىقتىڭ الداعى ۋاقىتتا اتقاراتىن جۇمىسىنا توقتالدى.