تاۋەلسىزدىكتىڭ 30 جىلدىق مەرەيتويىنا قارسى قارجى ينستيتۋتى بارلىق وڭىردە ءوز اللەياسىن وتىرعىزۋدى قولعا الماق.
ەل تاۋەلسىزدىگىنىڭ 30 جىلدىعىنا وراي الماتىدا تاعى ءبىر اللەيا پايدا بولدى. ەلىمىزدەگى بانكتەردىڭ ءبىرىنىڭ قۇرىلعانىنا 180 جىل تولۋىنا وراي قارجى ۇيىمى قىزمەتكەرلەرى مەن قوعامدىق قور ەرىكتىلەرى الاتاۋ اۋدانىندا اعاش وتىرعىزدى، دەپ حابارلايدى Almaty-akshamy.kz
Almaty.tv سايتى حابارلاعانداي، مەرەيتويعا قارسى قارجى ينستيتۋتى بارلىق وڭىردە ءوزىنىڭ اللەياسىن وتىرعىزۋدى قولعا الماق.
«2020 جىلى "جۇمىسپەن قامتۋ" جول كارتاسى اياسىندا وسى اللەيا اشىلعان بولاتىن. جاسىل ەكونوميكا باسقارماسىنىڭ «جاسىل الماتى» باعدارلاماسى اياسىندا 6 مىڭ قاراعاي وتىرعىزىلدى. سونداي-اق تابيعاتتى پايدالانۋ «ەكو الماتى اكتيۆيستەرى» اياسىندا ءارقاشان ەرىكتىلەردىڭ جانە جاستاردىڭ كومەگىمەن اعاشتار وتىرعىزىلىپ تۇرماق»، – دەدى الاتاۋ اۋدانىنىڭ اباتتاندىرۋ ءبولىمىنىڭ باسشىسى ەدىلجان نارماتوۆ.
«اعاش وتىرعىزۋ ناۋقانىن باستادىق. 30 قاراعاي اعاشىن وتىرعىزدىق. باستاما ءالى دە جالعاسىن تابادى. جىل سوڭىنا دەيىن 1500 قاراعاي اعاشىن وتىرعىزۋدى كوزدەپ وتىرمىز. بۇل ۇلكەن ءىس دەپ ويلايمىن. اكىمدىكتىڭ قولداۋىمەن "جاسىل الماتى" ستاتۋسىن جاڭعىرتۋعا ات سالىسىپ جاتىرمىز»، – دەدى «Kaz Eco Patrol» رەسپۋبليكالىق ەكولوگيالىق قوزعالىسىنىڭ جەتەكشىسى تيمۋر ەلەۋسىزوۆ.