دەپۋتاتتار دەمالىسقا كەتتى

سەسسيا كەزىندە ەكى پالاتا 179 زاڭ جوباسىن قارادى.

سەگىزىنشى سايلانعان پارلامەنتتىڭ ەكىنشى سەسسياسى اياقتالدى، دەپ حابارلايدى Almaty-akshamy.kz

ءماجىلىس ءتوراعاسى ەرلان قوشانوۆتىڭ ايتۋىنشا، ەكىنشى سەسسيادا ەكى پالاتانىڭ قاراۋىندا 179 زاڭ جوباسى بولدى. ونىڭ 102ء-سى قابىلداندى.

پالاتالاردىڭ 5 بىرلەسكەن وتىرىسى، ءماجىلىستىڭ 39 جالپى وتىرىسى جانە سەناتتىڭ 43 جالپى وتىرىسى ءوتتى. سەسسيا بارىسىندا دەپۋتاتتار ءبىرقاتار ماڭىزدى زاڭ جوباسى بويىنشا ۇكىمەتپەن بىرلەسە جۇمىس ىستەدى. ءبىز باستى قارجى قۇجاتىن – رەسپۋبليكالىق بيۋدجەتتى قابىلدادىق، - دەدى قوشانوۆ.

ايتۋىنشا، ءقازىر پارلامەنتتە 71 زاڭ جوباسى بار. دەپۋتاتتىق كورپۋس ەندى بيۋدجەت، سالىق، قۇرىلىس، سۋ كودەكستەرى بويىنشا جۇمىس ىستەيدى.

سونىمەن قاتار ءبىز مۇلدە جاڭا سيفرلىق كودەكستى كۇتىپ وتىرمىز. الدىمىزدا سىبايلاس جەمقورلىققا قارسى ىس-ارەكەت، ەسىرتكىمەن كۇرەس، ءدىن، سوت جۇيەسىندەگى رەفورمالار جانە باسقا دا ماسەلەلەرگە قاتىستى زاڭ جوبالارى بويىنشا اۋقىمدى جۇمىس كۇتىپ تۇر. پارلامەنت، ۇكىمەت جانە ساراپشىلار قوعامداستىعى ۇيلەسىمدى ءارى جان-جاقتى جۇمىس ىستەۋى قاجەت، - دەدى ءماجىلىس ءتوراعاسى.