دەپۋتات پەن قحا وكىلى قاماۋداعىلاردىڭ جاعدايىمەن تانىستى

ۇستالعاندار تاراپىنان ازاپتاۋلارعا قاتىستى شاعىمدار بولعان جوق.

دەپۋتات پەن قحا وكىلى الماتىداعى قاماۋداعىلاردىڭ جاعدايىمەن تانىستى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.

21 اقپاندا الماتى قالاسى بويىنشا قىلمىستىق-اتقارۋ جۇيەسىنىڭ لا-155/18 مەكەمەسىنە قازاقستان رەسپۋبليكاسى پارلامەنت ءماجىلىسىنىڭ دەپۋتاتى ابيلفاس حامەدوۆ، قازاقستان حالىقتارى اسسامبلەياسى الماتى قالاسى حاتشىلىعىنىڭ ەتنوسارالىق قاتىناستاردى دامىتۋ ءبولىمىنىڭ باسشىسى نازار بالعىمبايەۆ كەلىپ، تۇتقىنداردىڭ جاعدايىمەن تانىستى.

ولار №3 پوستتىڭ №32 جانە №33 كامەراسىندا جاتقان قاماۋداعىلارمەن بەتپە-بەت اڭگىمەلەسىپ، ۇستاۋ جانە تاماقتانۋ، سونداي-اق تۇتقىنداردى تەرگەۋ جاعدايىن باقىلادى.

تەكسەرۋدىڭ ماقساتى – قاڭتار وقيعاسى بويىنشا ۇستالعان ادامداردىڭ لا-155/18 مەكەمەسىندەگى جاعدايىن كوزبەن كورۋ، ولارعا كورسەتىلىپ جاتقان مەديسينالىق-سانيتارلىق قىزمەتتەردىڭ ساپاسىن جانە تۇتقىنداعىلاردىڭ قۇقىقتارى مەن بوستاندىقتارىنا قايشى كەلەتىن ازاپتاۋ فاكتىلەرىنىڭ انىقتىعىن تەكسەرۋ، سونىمەن قاتار كۇدىكتىلەرگە زاڭ الدىنداعى جاۋاپكەرشىلىكتەرىن ءتۇسىندىرۋ. تەكسەرۋ كەزىندە ۇستالعاندار تاراپىنان مەكەمەنىڭ ۇستاۋ جاعدايلارىنا، ونىڭ ىشىندە ازاپتاۋلارعا قاتىستى شاعىمدار بولعان جوق.

تەرگەۋ يزولياتورىنا كەلگەن ءماجىلىس دەپۋتاتى ا.حامەدوۆ جانە قحا وكىلى ن.بالعىمبايەۆپەن الماتى قالاسى بويىنشا قاج دەپارتامەنتىنىڭ باستىعى د.قاناتبەكوۆ جانە مەكەمە باسشىسى ا.جۋمادييەۆ، الماتى قالالىق پروكۋراتۋراسىنىڭ باسقارما باستىعى ا.وماروۆ بىرگە ءجۇرىپ، تەرگەۋ يزولياتورىنداعى زاڭدىلىقتى ساقتاۋ بارىسىمەن تانىستىردى.