ساراپشىلاردىڭ بولجامى راستالىپ كەلەدى.
سەيسەنبى كۇنى مۇناي باعاسى ءوستى. مۇناي قۇنى كوتەرىلىپ، رەسەيدىڭ ۋكرايناعا تولىق اۋقىمدى اسكەري باسىپ كىرۋ ءقاۋپى جاعدايىندا جەتى جىلداعى ەڭ جوعارى دەڭگەيىن جاڭارتتى، دەپ حابارلايدى Almaty-akshamy.kz Interfax.ru سىلتەمە جاساپ.
ماسكەۋ ۋاقىتىمەن تاڭعى ساعات 8:09-دا لوندونداعى ICE Futures بيرجاسىندا ساۋىردەگى Brent فيۋچەرستەرى 1،41 دوللارعا (1،48%) قىمباتتاپ، باررەلىنە 96،8 دوللاردى قۇرادى. الدىڭعى سەسسيادا Brent 2%-عا – باررەلىنە 95،39 دوللارعا دەيىن قىمباتتادى.
بۇعان دەيىن كەيبىر ساراپشىلار ۋكراينانىڭ شىعىسىندا شيەلەنىس ۋشىعاتىن بولسا، رەسەيدەن مۇناي تاسمالداۋعا كەلتىرىلىگەن قاۋىپتەن قورقىپ، Brent مۇنايىنىڭ باعاسى باررەلىنە 100 دوللاردان اسۋى مۇمكىن ەكەنىن ەسكەرتكەن.