2027 جىلى قازاق حالقى ءۇشىن اسا ماڭىزدى تاريحي وقيعانىڭ – بۇلانتى–بىلەۋتى شايقاسىنىڭ 300 جىلدىعى اتاپ وتىلەدى. ءماجىلىس دەپۋتاتى ەربولات ساتىبالدى وسى ايتۋلى داتا اياسىندا مەرەيتويدى رەسپۋبليكالىق دەڭگەيدە اتاپ وتۋگە بايلانىستى مادەنيەت جانە اقپارات ءمينيسترى ايدا بالايەۆاعا دەپۋتاتتىق ساۋال جولدادى، - دەپ حابارلايدى اqshamnews.kz ءتىلشىسى.
قازاق حالقىنىڭ جوڭعار شاپقىنشىلىعىنا قارسى كۇرەسىندەگى شەشۋشى كەزەڭ – بۇلانتى شايقاسى ەل تاريحىندا التىن ارىپپەن جازىلعان.
"1727 جىلى بۇلانتى مەن بىلەۋتى وزەندەرىنىڭ اراسىندا بولعان بۇل شايقاس قازاق ساربازدارىنىڭ ۇيىمشىلدىعى مەن ەرلىگىنىڭ ۇلگىسى رەتىندە ۇلتتىق جادىمىزدا ساقتالىپ كەلەدى. بۇل ۇلى جەڭىس ءابىلقايىر حان باستاعان بىرىككەن قازاق قولىنىڭ جاۋعا كۇيرەتە سوققى بەرۋى ناتيجەسىندە جۇزەگە استى"، - دەدى ول.
ءماجىلىس دەپۋتاتى ەربولات ساتىبالدىنىڭ ايتۋىنشا، تاريحي ماڭىزى زور وسى جەڭىستىڭ 300 جىلدىعىن لايىقتى دەڭگەيدە اتاپ ءوتۋ – ۇرپاققا تاعىلىم، ەلدىككە قىزمەت. ونىڭ دەپۋتاتتىق ساۋالىندا ءۇش ناقتى ۇسىنىس بار:
-
بۇلانتى–بىلەۋتى شايقاسىنىڭ 300 جىلدىعىنا ارنالعان رەسپۋبليكالىق ءىس-شارالار جوسپارىن ازىرلەۋ؛
-
عىلىمي-زەرتتەۋ، ارحەولوگيالىق جانە دەرەكتانۋلىق جوبالاردى، سونداي-اق دەرەكتى فيلمدەر مەن وقۋ قۇرالدارىن دايىنداۋدى مەملەكەتتىك قولداۋ؛
-
ۇلىتاۋداعى بۇلانتى باتىرلار ستەللاسىن اباتتاندىرۋ جانە تۋريزم ينفراقۇرىلىمىن دامىتۋ.
"قازاق حاندىعىنىڭ 550 جىلدىق مەرەيتويى قارساڭىندا ەل مەن جەردىڭ تاعدىرى سىنعا تۇسكەن ۇلىتاۋ وڭىرىندەگى "بۇلانتى شايقاسى" ستەللاسى اشىلعان بولاتىن. ول جەرگە وسى شايقاسقا قاتىسقان بوگەمباي، قابانباي باتىرلاردان باستاپ كوپتەگەن قۇلپى تاستار قويىلىپ، ەل جينالىپ ۇلكەن اس بەرىلگەن"، - دەدى ول.
.