جۇڭگو لاتىن امەريكاسىنىڭ ۇستىنەن زوند جىبەرگەنىن مويىندادى

جۇڭگو ءسىم-نىڭ اقش-تاعى وكىلى ماو ءنيننىڭ ايتۋىنشا، اەروستات اۋا رايىنا بايلانىستى مارشرۋتتان اۋىتقىپ كەتكەن، دەپ جازادى CNN.  

بەيجىڭ اۋە شارىنىڭ ساياسي ماقساتتا قولدانىلماعانىن، تىڭشىلىق جاساماعانىن ايتادى، دەپ جازادى Almaty-akshamy.kz.  inbusiness.kz.-كە سىلتەمە جاساپ.

ەسكە سالا كەتسەك، 4 اقپان كۇنى لاتىن امەريكاسى اسپانىندا بەلگىسىز نىسان ۇشىپ، كەيىن ونىڭ قىتايعا تيەسىلى اۋە زوندى ەكەنى انىقتالدى. باسىندا بەيجىڭ تەحنيكاعا يەلىك ەتەتىنىن مويىنداماعانىمەن، جۇڭگو ەلشىسى رەسمي مالىمدەمە جاساپ، تۇسىنىكتەمە بەرۋگە تۋرا كەلدى.

"جۇڭگو - جاۋاپكەرشىلىگى بار ەل. ءبىز ءارقاشان حالىقارالىق قۇقىقتى قاتاڭ ساقتادىق. بارلىق ءتيىستى تاراپتاردى حاباردار ەتىپ، ەشبىر ەلگە ءقاۋىپ توندىرمەيتىن جاعداي جاسادىق"، - دەدى ماو نين.

بۇل - امەريكانىڭ كونتينەنتالدى بولىگىندە بايقالعان ەكىنشى اەروزوند. ءبىرىنشى زوندتى اقش اسكەري كۇشتەرى اقپان ايىنىڭ باسىندا انىقتادى. كوپ ۇزاماي جۇڭگو بيلىگى اپپاراتتىڭ تەك ازاماتتىق فۋنكسيالارى بار ەكەنىن مالىمدەدى. الايدا، بۇل امەريكا قۇراما شتاتتارىنىڭ مەملەكەتتىك حاتشىسى ەنتوني بلينكەننىڭ جۇڭگو استاناسىنا بارۋدان باس تارتۋىنا سەبەپ بولدى.