دەنساۋلىق ساقتاۋ ۆيسە-مينيسترى ارداق امانگەلدييەۆ قىزمەتىنەن كەتتى، - دەپ حابارلايدى aqshamnews.kz ءتىلشىسى.
ءمان-جايى
ۆيسە-مينيستردىڭ وتستاۆكاعا كەتكەنى تۋرالى اقپاراتتى دەنساۋلىق ساقتاۋ مينيسترلىگى راستادى.
"ارداق امانگەلدييەۆ ءوز ءوتىنىشى بويىنشا اتقارىپ وتىرعان لاۋازىمىنان بوساتۋ تۋرالى ارىز جازدى"، – دەپ حابارلادى مينيسترلىك.
ءقازىر ونىڭ ورنى بوس تۇر.
ارداق امانگەلدييەۆ تۋرالى نە بەلگىلى؟
ارداق امانگەلدييەۆ دەنساۋلىق ساقتاۋ ۆيسە-مينيسترى قىزمەتىنە 2024 جىلعى 9 شىلدەدە تاعايىندالعان. مينيسترلىكتە ول قارجى سالاسىن قاداعالادى.
امانگەلدييەۆ – قارجى سالاسىندا ۇلكەن تاجىريبەسى بار ەكونوميست. ءار جىلدارى قارجى مينيسترلىگىنىڭ قازىناشىلىق كوميتەتى ءتوراعاسىنىڭ ورىنباسارى، قارجى ۆيسە-مينيسترى، احقو باسقارۋشى ديرەكتورى، ۇلتتىق بانكتىڭ قولما-قول اقشالاي اينالىم دەپارتامەنتى ديرەكتورىنىڭ ورىنباسارى قىزمەتتەرىن اتقارعان.
بۇعان دەيىن، 2004 جىلعى ساۋىردەن 2006 جىلعى جەلتوقسانعا دەيىن ارداق امانگەلدييەۆ دەنساۋلىق ساقتاۋ ۆيسە-مينيسترى قىزمەتىن ۋجە اتقارعان بولاتىن.