سوڭعى ۋاقىتتا كوپتەگەن پاسيەنتتەر وزدەرىنىڭ موبيلدىك قوسىمشالارىندا مەديسينالىق قىزمەتتەر تۋرالى جازبالاردى بايقادى، ولاردىڭ ايتۋىنشا بۇل قىزمەتتەر كورسەتىلمەگەن.
قوسىپ جازىلعان قىزمەتتەر ەكونوميكالىق زيان كەلتىرىپ قانا قويماي، سونىمەن قاتار قوعامنىڭ دەنساۋلىق ساقتاۋ جۇيەسىنە دەگەن سەنىمىنە نۇقسان كەلتىرەدى. قولدانىستاعى باقىلاۋ مەن مونيتورينگ جۇيەلەرىنە قاراماستان، ولار مۇنداي وقيعالاردىڭ الدىن الۋ ءۇشىن جەتكىلىكسىز ەكەنى انىق، دەپ حابارلايدى almaty-akshamy.kz سالا مينيسترلىگىنە سىلتەمە جاساپ.
دەنساۋلىق ساقتاۋ مينيسترلىگى مەديسينالىق قىزمەتتەردى قوسىپ جازۋدىڭ الدىن الۋعا باعىتتالعان جاڭا تەتىكتەردى ازىرلەۋگە كىرىستى. ۇسىنىلعان سيفرلىق شەشىمدەردىڭ ىشىندە:
پاسيەنتتىڭ موبيلدىك قوسىمشاسى ارقىلى مەديسينالىق كومەككە بارۋدى جانە قابىلداۋدى راستاۋ.
FaceID تەحنولوگياسىن قولدانا وتىرىپ پاسيەنتتى انىقتاۋ.
QR-كودىن نەمەسە پاسيەنتتىڭ بىرەگەي سيفرلىق قۇجات كودىن سكانەرلەۋ.
جۇمىس توبى باقىلاۋدى كۇشەيتۋ ءۇشىن قوسىمشا شارالاردى ەنگىزۋدى دە قاراستىرادى. جاقىن ارادا ولاردىڭ تيىمدىلىگىن جانە ەلدىڭ مەديسينالىق مەكەمەلەرىندە پراكتيكالىق قولدانۋ مۇمكىندىگىن انىقتاۋ ءۇشىن ۇسىنىلعان تەتىكتەردى باعالاۋ جۇرگىزىلەدى.
بۇل شارالاردى ەنگىزۋ قوسىپ جازۋدىڭ سانىن ەداۋىر ازايتۋعا جانە پاسيەنتتەردىڭ دەنساۋلىق ساقتاۋ جۇيەسىنە دەگەن سەنىمىن قالپىنا كەلتىرۋگە كومەكتەسەدى. دەنساۋلىق ساقتاۋ مينيسترلىگى مەديسينالىق قىزمەتتەردىڭ ساپاسىن جاقسارتۋ جانە ولاردى كورسەتۋدىڭ اشىقتىعىن قامتاماسىز ەتۋ بويىنشا بەلسەندى جۇمىستى جالعاستىرادى.