دەپۋتات رينات زايىتوۆ اقسۋات حالقى سىيعا بەرگەن كولىكتى قايتارمايتىنىن مالىمدەدى. ول مەملەكەتتىك قىزمەتكەر رەتىندە ەمەس، فەستيۆالگە قاتىسقان اقىن رەتىندە سىيلىق الدىم دەپ سانايدى.
زايىتوۆتىڭ ايتۋىنشا، بۇل سىيلىق بۇكىل ءبىر اۋداننىڭ اتىنان ۇسىنىلعان جانە ونى قابىلداۋدان باس تارتۋ دۇنيەتانىمىنا سىيمايتىن ارەكەت بولار ەدى. ونىڭ پىكىرىنشە، بۇل شارا ونەر ادامدارىنا دەگەن قۇرمەت ءبىلدىرۋدىڭ ءبىر ءتۇرى.
دەگەنمەن، «مەملەكەتتىك مۇلىك تۋرالى زاڭ» بويىنشا، مەملەكەتتىك قىزمەتكەرلەر مەملەكەتتىك قىزمەتتىڭ اياسىندا قانداي دا ءبىر سىيلىقتاردى قابىلداۋعا قۇقىعى جوق.
زاڭ بويىنشا، زايىتوۆ وسى كولىكتى العاننان كەيىن جەتى كۇن ىشىندە قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىنىڭ اۋماقتىق بولىمىنە وتكىزۋى ءتيىس.