قازاقستاننىڭ ءتورت وڭىرىندە پاتوگەندىك زەرتحانا سالۋ ءۇشىن كەمىندە 7،7 ملرد تەڭگە قاراجات كەرەك
ق ر دەنساۋلىق ساقتاۋ مينيسترلىگى شقو، تۇركىستان، اتىراۋ وبلىستارى مەن نۇر-سۇلتان قالاسىندا ءىى ساناتتاعى پاتوگەندىك زەرتحانا سالۋدى ۇسىنىپ وتىر. ول ءۇشىن كەمىندە 7،7 ملرد تەڭگە قاجەت، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
بۇل ۇسىنىستى «قازاقستان رەسپۋبليكاسىنىڭ بيولوگيالىق قاۋىپسىزدىگى تۋرالى» زاڭ جوباسىن ءماجىلىس دەپۋتاتتارىنىڭ الدىندا تانىستىرعان ق ر دەنساۋلىق ساقتاۋ ۆيسە-مينيسترى – باس سانيتار دارىگەر ەرلان قياسوۆ كوتەردى.
«زاڭ جوباسى اياسىندا قولدا بار زەرتحانالىق بازانى قوسىمشا جاراقتاندىرۋعا جانە جەتىلدىرۋگە (5،5 ملرد. تەڭگە)، فيزيكالىق قورعانىستى جەتىلدىرۋگە (0،4 ملرد. تەڭگە)، يممۋندىق-بيولوگيالىق پرەپاراتتاردى GMP تالاپتارى بويىنشا شىعارۋ جونىندەگى عيمارات سالۋعا (7،7 ملرد تەڭگە)، سونداي-اق شقو، تۇركىستان، اتىراۋ وبلىستارىندا جانە نۇر-سۇلتان قالاسىندا پاتوگەندىگى II ساناتتاعى ميكروورگانيزمدەرمەن جۇمىستى جۇزەگە اسىراتىن 4 زەرتحانا سالۋعا جوبالىق-سمەتالىق قۇجاتتاما ازىرلەۋگە (0،3 ملرد تەڭگە) بيۋدجەتتەن 14،4 ملرد تەڭگە جۇمساۋ كوزدەلگەن»، - دەدى ەرلان قياسوۆ.
ونىڭ ايتۋىنشا، بيوقاۋىپسىزدىك سالاسىنداعى ءبىرىڭعاي مەملەكەتتىك اقپاراتتىق جۇيە قۇرۋ ءۇشىن 200 ملن تەڭگە كەرەك. ال ميكروورگانيزمدەر كوللەكسياسىن ۇستاۋعا 400 ملن تەڭگە ءبولۋ ۇسىنىلىپ وتىر.