دەنساۋلىق ساقتاۋ جۇيەسىندە شەشىمىن تاپپاعان ماسەلە وتە كوپ. بۇل تۋرالى ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ۇلتتىڭ دەنى ساۋ جانە ساۋاتتى بولۋى – وتە ماڭىزدى ماسەلە. وسىنى ەسكەرمەسەك، ەكونوميكانى رەفورمالاۋ بوس اۋرەشىلىك بولادى. بۇل – مەملەكەتتىڭ مىندەتى. ەڭ الدىمەن، ادامدارعا ساپالى مەديسينا قولجەتىمدى بولۋى قاجەت. دەنساۋلىق ساقتاۋ جۇيەسىندە شەشىمىن تاپپاعان ماسەلە وتە كوپ. مىندەتتى الەۋمەتتىك مەديسينالىق ساقتاندىرۋ جۇيەسى وسى سالانى دامىتۋعا تىڭ سەرپىن بەرەدى دەپ ۇمىتتەنەمىز. الايدا، بۇل جۇيەدەگى قارجى اينالىمىنا باقىلاۋ جاسالمايدى»، – دەدى قاسىم-جومارت توقايەۆ.
مەملەكەت باسشىسى اقپاراتتاندىرۋدىڭ تومەن دەڭگەيدە بولۋى مەديسينا قىزمەتكەرلەرىنە جۇكتەمەنى ايتارلىقتاي ارتتىرعانىنا باسا نازار اۋداردى.
«مەديسينالىق ساقتاندىرۋ قورىنىڭ وڭىرلىك كوميسسيالارىنىڭ قىزمەتى اشىق ەمەس. بۇل دەنساۋلىق ساقتاۋ شىعىستارىنىڭ ارتىرۋىنا الىپ كەلەدى. مەديسينالىق كومەكتى باقىلاۋسىز پايدالانۋ اياسىندا قىمبات دياگنوستيكالىق قىزمەتتەرى سانى 11 ەسە ارتقان»، – دەدى پرەزيدەنت.