بۇرالقى يتتەردىڭ ادامدارعا، اسىرەسە، بالالارعا شابۋىل جاساۋىنا جول بەرمەۋ كەرەك. بۇل تۋرالى ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تاعى ءبىر ماسەلە. مۇمكىن بۇل پرەزيدەنتتىك دەڭگەيدەگى ماسەلە ەمەس تە شىعار. ءبىراق، ول جايىندا ايتۋىما تۋرا كەلىپ وتىر. ماعان بارلىق وبلىستان بۇرالقى يتتەرگە قاتىستى ۇنەمى شاعىم تۇسەدى. ءتيىستى زاڭاماعا سىلتەپ، بيلىك وكىلدەرىنەن ەشكىم ونىمەن اينالىسپاي وتىر. ءبىراق، مۇنداي جولمەن ءجۇرىپ، جاعدايعا باقىلاۋ جاساۋدان ايرىلىپ قالۋىمىز مۇمكىن»، - دەدى قاسىم-جومارت توقايەۆ.
مەملەكەت باسشىسى بۇرالقى يتتەردىڭ ادامدارعا، اسىرەسە، بالالارعا شابۋىلداۋى مۇمكىن ەكەندىگى جايلى اقپاراتتاردىڭ تارالىپ جاتقانىنا نازار اۋدارتتى.
«ءيا، ءبىز جان-جانۋارلارعا قامقورلىقپەن قاراۋىمىز قاجەت. ءبىراق ولاردىڭ ادامدارعا، اسىرەسە، بالالارعا قاتىستى شابۋىلىنا جول بەرمەۋگە ءتيىسپىز. بۇعان قوسا، بۇرالقى يتتەردىڭ شابۋىلىنا تاپ بولعانداردىڭ سانى ارتىپ كەلەدى. بۇعان جول بەرۋگە بولمايدى. بارلىقتارىڭىزعا ءىس-شارا قابىلداۋدى تاپسىرامىن. تاعى دا قايتالاپ ايتامىن. مۇمكىن بۇل پرەزيدەنتتىڭ دەڭگەيىندەگى ماسەلە ەمەس شىعار. ءبىراق، بۇل جايىندا ايتۋعا تۋرا كەلدى. وسى ماسەلەگە قاتىستى ادامدار شاعىمدانىپ جاتىر»، - دەدى پرەزيدەنت.