مۇسىلماندار ءدىني باسقارماسى مەن جەرگىلىكتى ءدىن قىزمەتكەرلەرىنىڭ 95 پروسەنتى ۆاكسينا العان، دەپ حابارلايدى almaty-akshamy.kz 24 kz سىلتەمە جاساپ.
ماماندار ءقاۋىپتى ىندەتپەن كۇرەستە ەكپە الۋ ەڭ ءتيىمدى شەشىم ەكەنىن ايتادى. نايب ءمۇفتي ەرشات وڭعاروۆتىڭ ايتۋىنشا، جالپى مۇسىلمان دىنىندە ۆاكسينا شاريعاتقا قايشى ەمەس. ءتونىپ تۇرعان ءقاۋىپتىڭ الدىن الۋ مىندەت سانالادى.
ەرشات وڭعاروۆ ق ر قمدب ءتوراعاسىنىڭ ورىنباسارى، نايب ءمۇفتي:
- ەكپە، ۆاكسينا الۋعا شاريعات قارسى ەمەس. سەبەبى دەنساۋلىق - اللانىڭ بەرگەن اماناتى. سول ءۇشىن دە وسى اماناتتى ساقتاۋ - ءاربىر مۇسىلماننىڭ مىندەتى. «اۋىرىپ قالساڭدار، دارىگەرگە بارىڭدار» دەپ پايعامبارىمىز وسيەت ەتكەن. ءقازىر كوروناۆيرۋس ىندەتىنىڭ ادام ومىرىنە وتە ءقاۋىپتى ەكەنىن كورىپ وتىرمىز. جاقىن تۋىستارىمىز اۋىرىپ، ءتىپتى قازا بولىپ كەتىپ جاتىر. سوندىقتان مۇسىلمان ءۇشىن ءتونىپ تۇرعان قاتەردىڭ الدىن الۋ مىندەت. اللا تاعالا قۇران كارىمدە ايتادى: «وز-وزدەرىڭدى قاۋىپ-قاتەرگە تىكپەڭدەر. ساقتانىڭدار».