جارىقتىڭ باعاسىن اكىمدىك بەلگىلەمەيدى

قازىرگىدەي بارلىق سالادا قىمباتشىلىق بايقالىپ تۇرعان كەزدە، كوپ تۇرعىندى مازالايتىن سۇراقتىڭ ءبىرى – جارىقتىڭ باعاسى.

بۇگىن حالىقتىڭ سۇراعىنا ونلاين رەجيمدە جاۋاپ بەرگەن مەگاپوليس  باسشىسى باقىتجان ساعىنتايەۆ قالا ماڭايىنداعى قاراۋسىز قالعان ەلەكتر جەلىلەرى مەن جارىقتىڭ باعاسى تۋرالى ماسەلەگە توقتالىپ ءوتتى، دەپ حابارلايدى Almaty-akshamy.kz

«قاراۋسىز قالعان جەلىلەردى تەكسەرىپ، قاراپ وتىرعان ەشكىم جوق. ونداي جەلىلەردىڭ اقاۋىن تۇرعىندار ءوز كۇشىمەن جوندەپ الىپ جاتادى. كەزدەسۋدە حالىق وسى جەلىلەردى قالانىڭ قاراۋىنا وتكىزسەڭىزدەر دەپ ەدى، وسىنى بىرتىندەپ ىسكە اسىرىپ جاتىرمىز. وتكەن جىلى ءبىز 1 ملرد تەڭگەگە وسى جەرلەرگە جوندەۋ جاسادىق»، - دەدى باقىتجان ءابدىر ۇلى.

قالا اكىمىنىڭ ايتۋىنشا، قاراۋسىز جەلىلەردى «الاتاۋ جارىق» مەكەمەسى ءوز قاراماعىنا وتكىزگەن جانە بارلىق جەلىگە جاۋاپتى بولادى.

ال جارىقتىڭ باعاسى تۋرالى قالا اكىمى بىلاي دەدى: «ەلەكتر ەنەرگياسىنىڭ ءتاريفى قالا تۇرعىندارى ءۇشىن 18 تگ بولسا، جەكەگە وتكىزىپ العانداردىڭ ىشىندە 28- 30 تەڭگەگە دەيىن باعا قويعاندار بار. ولاردى دا وزىمىزگە قابىلداپ العىمىز كەلەدى، ءبىراق بۇل وڭاي شارۋا ەمەس. ول سوت ارقىلى شەشىلەتىن، كەمىندە 6 اي مەرزىمدە بىتەتىن جۇمىس. جەكەمەنشىك بولعان سوڭ، ۇستىنەن پايدا كورىپ وتىرعاندىقتان، قالانىڭ قاراۋىنا بەرگىسى كەلمەيتىندەر دە بار. ءتاريفتى قالا اكىمدىگى بەلگىلەمەيدى، ول مونوپولياعا قارسى كوميتەتتىڭ قۇزىرىندا».