الماتى اكىمى قالا اۋاسىنىڭ ساپاسى قاشان جاقسارا باستايتىنىن ايتتى

شاھارداعى جەس گازعا كوشىرگەندە، الماتىلىقتار اۋانىڭ تازارعانىن سەزىنە باستايدى.

الماتى اكىمى باقىتجان ساعىنتايەۆ «الماتى» تەلەارناسىنىڭ تىكەلەي ەفيرىندە وتكەن ينجەنەرلىك ينفراقۇرىلىمدى دامىتۋدىڭ ونلاين-پرەزەنتاسياسى بارىسىندا مەگاپوليستىڭ ەكولوگياسىن جاقسارتۋ ماسەلەسىنە توقتالىپ كەتتى، دەپ حابارلايدى Almaty-akshamy.kz.

باقىتجان ساعىنتايەۆ ءوز سوزىندە قالاداعى جىلۋ ەلەكتر ستانسالارى گازعا كوشكەندە، قالا ماڭىنداعى ەلدى مەكەندەردىڭ تۇرعىندارى ۇيلەرىن كومىرمەن ەمەس، گازبەن جىلىتا باستاعاندا، الماتىلىقتار قالا اۋاسىنىڭ جاقسارعانىن سەزىنە باستايدى دەگەندى ايتتى.

«ءبىزدىڭ قالامىزدىڭ اۋاسىن جىلۋ ەلەكتر ستانساسى 27-30% لاستايدى، ياعني 38 توننا زياندى زات شىعارادى، وعان قالا ماڭىنداعى كومىر جاعىپ وتىرعان ۇيلەردى قوسىڭىز. جىلۋ ەلەكتر ستانساسى دا، ۇيلەرىن قىستا كومىرمەن جىلىتاتىن جەكە سەكتور دا قالانىڭ تومەن جاعىندا ورنالاسقان. سول سەبەپتەن تومەن جاقتان شىققان بۇلت قالا اۋاسىن لاستاپ كەلەدى. ال قالاداعى جەو-2 جانە جەو-3 گازعا كوشىرسەك، شاھار ماڭىنداعى ۇيلەر گازعا اۋىسسا، الماتىلىقتار اۋانىڭ تازارعانىن بىردەن سەزىنە باستايدى»، – دەدى باقىتجان ساعىنتايەۆ.

سونىمەن قاتار قالا اكىمى ءتۇرلى عالىمداردىڭ الماتى ەكولوگياسىن جاقساتۋعا ارنالعان ۇسىنىستارى بارىن ايتتى. الماتى ەكولوگياسىن جاقسارتۋ ماقساتىندا سونىڭ بارلىعى زەرتتەلۋى ءتيىس.

جوسپار بويىنشا، الماتىدا جەو-2 مەن جەو-3 2024-2025 جىلى تولىعىمەن گازعا اۋىسادى دەپ كۇتىلۋدە.