الماتى دەپارتامەنتى ءورت سوندىرۋشىلەردى جۇمىسقا شاقىرادى.
بۇل تۋرالى ونلاين بريفينگ بارىسىندا دەپارتامەنتتىڭ كادر ساياساتى ءبولىمىنىڭ باسشىسى اقجولتاي ءابىلازىموۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، ق ر توتەنشە جاعدايلار ءمينيسترىنىڭ بۇيرىعىنا سايكەس، وسى جىلدىڭ باسىنان بەرى الماتى قالاسى ءتجد-نىڭ ءورت ءسوندىرۋ مەن اپاتتىق قىزمەتىندە شتاتتىق جۇمىس ورنى ارتتى.
«وسىعان بايلانىستى قاتارداعى جانە كiشi باسقارۋشى قۇرامدى قوسقاندا 250-دەن استام بوس ورىن بار. اتاپ ايتقاندا، ءورت سوندىرۋشىلەر مەن جۇرگىزۋشىلەر»، - دەيدى سپيكەر.
سونىمەن قاتار ول ازاماتتىق قورعاۋ ورگاندارىنا جۇمىسشىلار قانداي تارتىپپەن ىرىكتەپ التىناتىنىن ايتىپ بەردى.
«ءبىزدىڭ قىزمەتكە 18 بەن 35 جاس ارالىعىنداعى ازاماتتار جۇمىسقا ورنالاسا الادى. ولار اسكەري بورىشىن وتەگەن نەمەسە قر-نىڭ زاڭىنا ساي اسكەري مىندەتىن كەيىنگە شەگەرگەن بولۋى كەرەك. ءبىلىمى ورتاشادان تومەن بولماۋى كەرەك. سونداي-اق كاسىپكەرلىكپەن اينالىسپايتىن جانە قىلمىستىق جاۋاپقا تارتىلماعان بولۋى شارت. ازامات ءوزىنىڭ جەكە جانە ىسكەرلىك قاسيەتتەرىمەن دەنە دايىندىعى مەن دەنساۋلىق جاعدايى بويىنشا وزىنە جۇكتەلگەن قىزمەتتىك مىندەتتەردى ورىنداۋعا قابىلەتتى بولۋى كەرەك»، - دەيدى اقجولتاي ءابىلازىموۆ.
كادر ساياساتى ءبولىمىنىڭ باسشىسى قىزمەتكە كىرۋ ءۇشىن ازاماتتار ق ر «قۇقىق قورعاۋ قىزمەتى تۋرالى» زاڭىندا ايقىندالعان بىلىكتىلىك تالاپتارىنا سايكەس كەلۋى قاجەت ەكەنىن اتاپ ءوتتى.
"ازاماتتاردى قىزمەتكە ىرىكتەۋ بىرنەشە كەزەڭنەن تۇرادى. قازاقستان رەسپۋبليكاسىنىڭ قولدانىستاعى زاڭناماسىن بىلۋگە تەست تاپسىرۋ، اسكەري-دارىگەرلىك كوميسسيادان ءوتۋ، دەنە شىنىقتىرۋ دايارلىعى نورماتيۆتەرىن تاپسىرۋ. بارلىق كەزەڭدەردەن ويداعىداي وتكەن ۇمىتكەر باستاپقى كاسىبي دايىندىقتان ءوتۋ ءۇشىن الماتى قالاسىندا ورنالاسقان وقۋ ورتالىعىنا جىبەرىلەدى. وقۋ ورتالىعىنا قاتىسىپ جاتقاندار ءۇش ۋاقىت تاماقپەن جانە جاتىن ورىنمەن قامتاماسىز ەتىلەدى. وعان قوسا 113 000 - 117 000 تەڭگە كولەمىندە ەڭبەكاقى تولەنەدى"، - دەدى سپيكەر.
ءورت سوندىرۋشىلەر ءۇشىن باستاپقى كاسىبي دايىندىق - 35 كۇنتىزبە كۇنى. جۇرگىزۋشىلەر ءۇشىن – 14 كۇن، وزگە قىزمەتتەر بويىنشا – 7 كۇن. «ازاماتتىق قورعاۋ ورگاندارىنداعى جۇمىسقا قىزىعۋشىلىق تانىتقاندار بولسا، وندا الماتى قالاسى، قونايەۆ كوشەسى، 132 مەكەنجايى بويىنشا ورنالاسقان الماتى قالاسى توتەنشە جاعدايلار دەپارتامەنتىنىڭ «ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنى» كادر ساياساتى بولىمىنە نەمەسە 8 (727) 261-28-92 تەلەفونى بويىنشا حابارلاسۋعا بولادى»، - دەيدى دەپارتامەنت وكىلى.