سينوپتيكتەر 24-26 ماۋسىم ارالىعىنا ارنالعان اۋا رايى بولجامىن ۇسىندى.
«قازگيدرومەت» رمك مالىمەتى بويىنشا، الداعى دەمالىس كۇندەرى رەسپۋبليكا اۋماعى اتموسفەرالىق فرونتالدى بولىكتەردىڭ ىقپالىندا بولادى. سايكەسىنشە تۇراقسىز اۋا رايى كۇتىلەدى. كەڭ القاپتار بۇلتتانعان جەرلەردە نايزاعاي ويناپ، جاڭبىر جاۋادى، ەكپىندى جەل سوعادى، سونداي-اق بۇرشاق كۇتىلەدى.
«24-25 ماۋسىمدا شىعىستا، وڭتۇستىك-شىعىستا، 26 ماۋسىم كۇنى سولتۇستىكتە قاتتى جاڭبىر جاۋادى، قازاقستاننىڭ وڭتۇستىك-شىعىسىندا شاڭدى داۋىل كۇتىلەدى. ەلىمىزدىڭ سولتۇستىك-باتىسىندا توپىراق بەتىندە -1 °C ۇسىك جۇرەدى»، - دەلىنگەن حابارلامادا.
سينوپتيكتەر تەمپەراتۋرا فونىندا ايتارلىقتاي وزگەرىستەر كۇتىلمەيتىنىن اتاپ ءوتتى.