ەلىمىزدەگى دەمالىس ورىندارىنا كەز كەلگەن ازامات وزىمەن بىرگە تاماق جانە سۋسىن الىپ كىرۋگە تولىقتاي قۇقىلى.
«جاز كەلىپ، دەمالىس كەزى قىزاتىن شاق. وسى كەزدە ازاماتتاردىڭ كوبى دەمالىس ايماقتارىنا كوپتەپ شىعادى. سونداي ساتتە وزدەرىمەن بىرگە تاماق سۋسىندارىن الىپ كەلۋگە نيەت تانىتادى. الايدا دەمالىس ايماعىنىڭ يەلەرى ولارعا وزدەىمەن الىپ كەلگەن زاتتارىن الىپ كىرۋگە تىيىم سالادى»، – دەلىنگەن حابارلامادا.
كوميتەتتىڭ مەملەكەتتىك ساياساتتى قالىپتاستىرۋ باسقارماسىنىڭ باسشىسى رامازان بارەنوۆتىڭ ايتۋىنشا، زاڭدى تۇردە ساتىپ الىنعان كەز كەلگەن سۋسىندار مەن تاماق تۇتىنۋشىنىڭ جەكە مەنشىگى بولىپ تابىلادى جانە ونى ەشكىم شەكتەي المايدى. ەگەر اركىم بيلەت ساتىپ السا نەمەسە ونىڭ اۋماعىنا كىرۋ ءۇشىن اقى تولەسە، تاماق پەن سۋسىندارمەن دەمالىس ايماعىنا ەركىن كىرۋگە قۇقىلى، ويتكەنى بۇل جاسالعان شارتتىڭ نىسانى بولىپ تابىلادى.
«ەگەر دەمالىس ورنىنا كىرۋ ءۇشىن ارنايى بيلەت ساتىپ العان بولساڭىز، قولىڭىزدا دەمالىس ايماعىنا كىرۋگە جاساعان تولەمىڭىزدىڭ چەگى نەمەسە بيلەتىڭىز بولسا، وندا سۋسىن مەن تاماقتى وزىڭىزبەن بىرگە الىپ كىرۋىڭىزگە تولىق قۇقىعىڭىز بار»،-دەدى رامازان بارەنوۆ.
ەگەر دەمالىس ايماعىنىڭ يەسى كىرۋىنە تىيىم سالسا، بىردەن ارىز جازۋعا بولادى. ءتىپتى بۇل ءۇشىن كاسىپكەر اكىمشىلىك كودەكستىڭ 163-بابى 2-بولىگى (جوسىقسىز باسەكەلەستىك) بويىنشا جاۋاپقا تارتىلادى.