اعاش قۇلاعان ءسات ۆيدەوعا ءتۇسىپ قالعان.
الماتىدا «اكۋنين» ءدامحاناسىنىڭ جازعى الاڭى اۋماعىندا اعاش قۇلادى، دەپ حابارلايدى Almaty-akshamy.kz
وقيعانىڭ ۆيدەوسى الەۋمەتتىك جەلىدە تارادى. بەينەكامەراعا اعاش قۇلاعان ءسات ءتۇسىپ قالعان. قوناقتار ۇلكەن بۇتاقتار قۇلاماس بۇرىن قاشىپ ۇلگەرگەن. اۆتوردىڭ ايتۋىنشا، جولدان ءوتىپ بارا جاتقان ادام قوناقتار مەن مەيرامحانا قىزمەتكەرلەرىنە اعاشتىڭ قۇلايتىنىن ەسكەرتىپ ۇلگەرگەن.
25 مامىردا ساعات 22:15-تە قۇتقارۋ قىزمەتىنە اباي داڭعىلى بويىنداعى، 21 مەكەنجايدا "اكۋنين" ءدامحاناسىنىڭ جازعى الاڭى اۋماعىندا اعاش قۇلاعانى تۋرالى حابارلاما تۇسكەن.
"ماماندار مەن مەدەۋ اكىمدىگى ساراپتاما تاعايىندادى. قاجەتتى جۇمىستاردى كۇندىزگى ۋاقىتتا جۇرگىزۋگە شەشىم قابىلداندى. زارداپ شەككەندەر جوق. بۇگىن توتەنشە جاعدايلار بريگاداسىنىڭ ماماندارى كەلىپ، اعاشتاردى كەسىپ جاتىر"، - دەدى اكىمدىك وكىلدەرى.
جۇمىستى ءتورت قۇتقارۋشى مەن ءبىر تەحنيكا جۇرگىزىپ جاتىر.