الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا ق ر جوعارى اسكەري وقۋ ورىندارىنا ءتۇسۋ كەزەڭدەرى تۋرالى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ باستىعى، پولكوۆنيك قايرات داۋتوۆ ايتىپ بەردى، دەپ حابارلايدى almaty-akshamy.kz
ينستيتۋت 6 ماماندىق بويىنشا دايارلاۋدى جۇزەگە اسىرادى. قازىرگى ۋاقىتتا 600-دەن استام كۋرسانت وقيدى. وقۋ ورنىندا 17 كافەدرا بار، ونىڭ ىشىندە 170 وقىتۋشى جۇمىس ىستەيدى.
"وقۋعا ءتۇسۋدىڭ بارلىق شارتتارى قورعانىس ءمينيسترىنىڭ 2016 جىلعى 22 قاڭتارداعى № 35 بۇيرىعىندا ەگجەي-تەگجەيلى باياندالعان. بارلىق تالاپكەرلەر تەگىن نەگىزدە وقۋعا قابىلدانادى. ۇبت ناتيجەسى بويىنشا ءوتۋ بالى كەمىندە 50 بالدى قۇرايدى. ينستيتۋتقا ءتۇسۋ ءۇشىن بەيىندىك پاندەر فيزيكا جانە ماتەماتيكا بولىپ تابىلادى جانە وسى پاندەر بويىنشا ۇبت-دا ەڭ تومەنگى بال 7 بالدى قۇرايدى. جەرگىلىكتى اسكەري باسقارۋ ورگاندارىنا ءوتىنىش بەرۋ مەرزىمى وقۋعا ءتۇسۋ جىلىنىڭ ءساۋىر ايىنا دەيىن. بيىلعى جىلى كوپتەگەن تالاپكەردىڭ ءوتىنىشىن ەسكەرە وتىرىپ، قورعانىس ءمينيسترى بۇل مەرزىمدى 15 ماۋسىمعا دەيىن ۇزارتتى"، - دەدى قايرات داۋتوۆ.
ونىڭ ايتۋىنشا، سۇرانىسقا يە ماماندىقتار - زەنيتتىك زىمىراندىق، راديوتەحنيكالىق اسكەرلەر، بايلانىس جانە اقپاراتتى قورعاۋ. قازىرگى ۋاقىتتا راديوەلەكتروندىق بارلاۋ جانە جاۋىنگەرلىك ماماندىعى تانىمال بولىپ كەلەدى. سونىمەن قاتار، بايلانىس ماماندارىن دايارلاۋ بارىسىندا كۋرسانتتار 50-دەن استام بەيىندىك پاندەردى وقيدى، ولاردىڭ ىشىندە ەلەكتروديناميكا، انتەننا جانە قابىلداۋ-تاراتۋ قۇرىلعىلارى، كوممۋتاسيا قۇرالدارى جانە ءارتۇرلى ماقساتتاعى راديوستانسيالار.
"بولاشاق وفيسەرلەردى دايارلاۋداعى باستى باعىتتاردىڭ ءبىرى – ولاردا دەنە تاربيەسى جانە سالاۋاتتى ءومىر سالتىن قالىپتاستىرۋ. قازىرگى ۋاقىتتا ءبىزدىڭ ينستيتۋت كۋرسانتتارى قازاقستان رەسپۋبليكاسىنىڭ اتىنان تمد-عا قاتىسۋشى مەملەكەتتەردىڭ اسكەري قىزمەتشىلەرى اراسىنداعى حالىقارالىق سپورتتىق سايىسقا قاتىسادى"، - دەپ ءبولىستى ق.داۋتوۆ.
بولاشاق وفيسەرلەردىڭ دەنە شىنىقتىرۋ دايىندىعى ءۇشىن ينستيتۋتتا سپورتتىق جاتتىعۋ زالدارى، ستاديون جانە اسكەري-قولدانبالى سپورت تۇرلەرىنە ارنالعان ترەناجەرلەر بار.
"اسكەري-وقۋ ورىندارىنىڭ، اتاپ ايتقاندا ءبىزدىڭ ينستيتۋتتىڭ ەرەكشەلىكتەرىنىڭ ءبىرى – وقۋدى اياقتاعان بارلىق كۋرسانتتىڭ 100% جۇمىسقا ورنالاسۋىندا. ءبىزدىڭ تۇلەكتەر قارۋلى كۇشتەردىڭ بارلىق تۇرلەرىنە، اسكەري بولىمدەرگە، سونداي-اق باسقا دا كۇش قۇرىلىمدارىنا جىبەرىلەدى. اسكەري ماماندىق بەدەلدى ءارى تانىمال بولىپ تابىلادى"، - دەپ اتاپ ءوتتى ول.
20 جىلدىق تاريحى بار ينستيتۋتتىڭ ءوز داستۇرلەرى دە قالىپتاسقان. ونىڭ ىشىندە 5-كۋرس كۋرسانتتارىنىڭ قوشتاسۋ كونسەرتىن ۇيىمداستىرۋ، تۇلەكتەردىڭ "لەيتەنانت اللەياسىنا" بولاشاق تالاپكەرلەرگە ارناپ تىلەك كاپسۋلاسىن سالۋى، اعاش وتىرعىزۋ جانە ت.ب..
سونىمەن قاتار، ينستيتۋت كۋرسانتتارى جىل سايىن ءتۇرلى وليمپيادالارعا، زياتكەرلىك كونكۋرستارعا، سونىڭ ىشىندە حالىقارالىق دەڭگەيدەگى جارىستارعا قاتىسادى. بيىل كۋرسانتتار سانكت-پەتەربۋرگ قالاسىندا وتكەن ينفورماتيكا پانىنەن حالىقارالىق وليمپياداعا جانە ينستيتۋت بازاسىندا وتكەن ماتەماتيكا پانىنەن حالىقارالىق وليمپياداعا قاتىستى.