دەمالىس كۇندەرى ۇزاق ۇيىقتاۋدىڭ دەنساۋلىققا كەرى اسەرى بار

عالىمدار بارلىق ورگان مەن جۇيەنىڭ جاعدايى ءبىزدىڭ ۇيقىمىزعا بايلانىستى ەكەنىن دالەلدەدى.

ۇيقىنى دەمالىس كۇندەرى قاندىرۋدى ءجون كورىپ، سەنبى-جەكسەنبى  كۇندەرى كوبى  تۇسكە دەيىن ۇيىقتاۋدى ءجون كورەدى. دەگەنمەن دارىگەرلەر مۇنىڭ ادام ءومىرىن قىسقارتادى، دەپ حابارلايدى Almaty-akshamy.kz 

دەمالىس كۇندەرى ۇزاق ۇيىقتاۋ كۇن ءتارتىبىن بۇزىپ، دەنساۋلىققا كەرى اسەرىن تيگىزەتىنى بەلگىلى بولدى. دارىگەر زۋحرا پاۆلوۆانىڭ ايتۋىنشا، بۇل تۇجىرىمعا امەريكالىق عالىمدار كەلگەن.

«مۇنىڭ ءبارى سيركاديالىق ريتاقتاردىڭ، ءبىزدىڭ جاقسى جانە كوڭىلدى كۇيىمىزگە جاۋاپ بەرەتىن بيولوگيالىق ساعاتتارىمىزدىڭ جۇمىسى»،- دەيدى ەندوكرينولوگ.

اقش عالىمدارى ەگەۋقۇيرىققا تاجىريبە جاساعان. ولاردى تاماقتاندىرۋ ءتارتىبىن وزگەرتىپ، كەمىرگىشتەردىڭ ءبىر بولىگى ءۇشىن جارىقتى ادەتتەگىدەن 6 ساعات بۇرىن وشىرگەن.

ناتيجەسىندە، ەگەۋقۇيرىقتار ۇيقى كەزىندە قان قىسىمى تومەندەپ، ينسۋلت ءقاۋپى ارتىپ، وعان قوسا ءومىر ءسۇرۋ ۇزاقتىعى دا ازايعان.

«وسىنداي جاڭالىقتان كەيىن دەمالىس كەزىندە ادەتتەگى كۇن ءتارتىبىن وزگەرتۋ كەرەك پە دەپ تاعى 10 رەت ويلانۋ كەرەك»، - دەيدى زۋحرا پاۆلوۆا.

مۇنداي ۇيقى ءتارتىبى ايەلدىڭ دەنساۋلىعىنا ءقاۋىپ توندىرەدى

تۇنگى اۋىسىمدا جۇمىس ىستەيتىن ادامنىڭ بيولوگيالىق ساعاتى ىستەن شىعۋى مۇمكىن. بۇل "دومينو ەففەكتىسىن" جانە اعزاداعى ماڭىزدى جۇيە بۇزىلۋلارىنا الىپ كەلەدى. مىسالى:

ۇيقى ماسەلەسى؛

پسيحيكالىق دەنساۋلىق ماسەلەسى؛

جۇرەك اۋرۋلارى؛

سەمىزدىك؛

قانت ديابەتى؛

ونكولوگيا.

سونىمەن عالىمدار ادامنىڭ ۇيىقتاۋ ۋاقىتى 9 -10 ساعاتتان اسپاۋى كەرەك دەپ سانايدى. ۋاقىتىلى ۇيىقتاعان ادامنىڭ جانى ساۋ، جۇيكەسى تىنىش بولادى.